CCCLXXXII.

Johannes Episcopus Servus Servorum Dei dilecto Fratri . . Episcopo Olomucensi, et dilecto Filio Petro de Alvernia Canonico Novioviensi apostolice Sedis Nuncio Salutem et Apostolicam Benedictionem. Oblata nobis venerabilis fratris nostri Johannis Episcopi Cracoviensis querulosa petitione percepimus, quod licet Judex et Consules, seu iurati opidi Usce Pragensis diocesis, dudum quemdam familiarem suum, qui viginti Marchas auri ad pondus Polonie, vel circa, quas idem Episcopus per eum et ecclesiam suam Cracoviensem pro parte communis servicii debitas nobis et fratribus nostris sancte Romane Ecclesie Cardinalibus per eundem familiarem mittebat secum nocturno tempore asportarat furtive, pro parte ipsius Episcopi requisiti, carceri mancipassent, dictasque Marchas ab eodem familiari integraliter, ut dicitur, recepissent, tamen iidem Judex, Consules, seu iurati cum instancia pluries requisiti prefatas Marchas auri recusarunt et adbuc recusant indebite restituere Episcopo memorato, in animarum suarum periculum, nostrumque et dictorum fratrum, ac Episcopi non modicum detrimentum. Quocirca mandamus quatinus vos vel alter vestrum per vos vel alium seu alios si simpliciter et de plano sine strepitu et figura iudicii constiterit ita esse, Judices et consules seu iuratos eosdem et quosvis alios ad quos dicte Marche auri in toto vel in parte quomo- dolibet pervenissent ad restituendum prefato Episcopo Marchas easdem vel illud quod ad eos ex eisdem Marchis pervenit per censuram ecclesiasticam appellatione postposita compellatis. Invocato etc. Non obstantibus si aliquibus communiter vel divisim a sede apostolica sit indultum, quod interdici, suspendi vel excommunicari, seu extra vel ultra certa loca ad iudicium evocari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Datum Avinione XV. Kalendas Maii anno Tertiodecimo.

296