LXXXVHI.

•Johannes dei gracia Boemie et Polonie Rex, ac Lucemburgensis Comes. Omnibus inperpetuum. Sub rigore religionis omnipotenti domino famulantibus liberalem fauoris nostri graciam libenter impendimus, vt eo comodius liberiusque diuinis insistant cultibus quo amplius a Secularium Judicum vexacione multiplici fuerint liberi et soluti. Considerantes etenim ipsorum famulorum Dei columbinam simplicitatem, per quörundam secularium hominum vulpinam astuciam, in negocijs quibuslibet atque causis sepius multipliciter defraudari, ipsorum simplicitati succurrere iustum pium, et necessarium iudicauimus, ex preeminencia Regie Maiestatis, viros igitur Religiosos . . Abbatem et Conuentuum Monasterij Welegradensis Ordinis Cisterciensis, necnon homines comorantes, in possessionibus ipsorum tam in terra Morauie quam üppauie, a potestate et iurisdiccione beneficiariorum nostrorum et Judicum, tam prouincinlium, quam eciam Ciuitatum quarumlibet regni nostri ex toto eximimus et absoluimus diuine retribucionis intuitu de gracia speciali, Ita vt nec Brunam, Bisencz, Prerow, uel Oppauiam, nec alias, ad quecunque Judicia pro causis aut culpis quibuscumque debent ammodo evocari. Sed omnes culpe siue cause parue aut magne quocumque nomine cense- antur, quas quicumque hominum, contra predictos Viros Religiosos . . Abbatem et Conuentum Welegradensem et ipsorum homines pretendere poterit aut voluerit in ipsorum possessionibus, per Judices et Juratos ab Abbate et Conuentu sepedictis constitutos vel constituendos impo- sterum iudicentur. Volumus eciam et mandamus, et singularis gracie Priuilegio indulgemus vt . . Abbas, fratres et homines Monasterij predicti in Ciuitatibus, in Villis aut in locis forensibus quibuscumque non debeant arrestari, detineri, impignorari, capi, vel quomodolibet fatigari, pro debitis dumtaxat, nisi forte iusticia ab Abbate eodem aut a suis Judicibus conuenienter requisita fuerit, et negata. Huiusmodi autem exempcionis, absolucionis et liber- tatis graciam habere volumus robur perpetue firmitatis non obstantibus scriptis Juribus priuilegijs aut consuetudinibus quibuscunque per que uel per quas huiusmodi gracia valeat

62

quomodolibet impediri, libertatibus nichilominus et Priuilegijs predictis Religiosis viris a diue memorie nostris predecessoribus Regibus Boemie concessis in sua permanentibus firmitate. Mandamus igitur vniuersis Judicibus et beneficiarijs Morauie ac Oppauie tam presentibus, quam futuris, quatenus nullus eorum sepedictos . . Abbatem et Conuentum, homines, siue pauperes, aliquem uel aliquos eorundem pro quibuscumque causis ad suum Judicium euocare, citare, condempnare seu iudicare presumat Regie celsitudinis ingratitudinem, si quis secus presumpserit incursurus, Et nichilominus quitquid per eosdem beneficiorios aut Judices nostros 4 contra predicte libertatis graciam attemptatum fuerit in grauamen sepedicti Monasterij, sit irritum et inane. Inhibemus eciam vniuersis forestarijs et alijs fidelibus nostris per Morauiam, ne quis . . Abbatem et Conuentum predictos, in silua ipsius Monasterij circa Buchlowicz, que wlgariter Grecz dicitur, et alijs siluis dicto Monasterio in Morauia et Oppauia pcrti- nentibus impedire audeat vel presumat. In quorum omnium robur et testimonium presentes litteras fieri et Sigillis maiestatis nostre iussimus communiri. Datum Brune VI Non. Marcij Anno domini Millesimo, Trecentesimo, Ouintodecimo. Regnorum vero nostrorum anno Quinto.

(Orig. membran. cujus sigillum avulsum est, in archivo ejusdem monasterii apud C. R. Gu- bern. Bruns e sub Lit. G. II. n. 13. Mendose excussum apud Pelzel K. Karl IV. Urkun- denbuch p. 16.)