CXXXIV.

Johannes episcopus seruus seruorum dei, Dilecto filio . . Decano ecclesie Olomu- censis, Salutem et apostolicam benediccionem. Significarunt nobis dilecte in Christo filie . . Abbatissa et Conuentus Monasterij in Osslauia, Cisterciensis Ordinis, Olomucensis diocesis, quod nonulli iniquitatis filij, quos prorsus ignorant decimas, redditus, census, possessiones, legata, instrumenta publica, et quedam alia bona ad Monasterium ipsum spectancia temere, ac maliciose occultare, et occulte delinere presumunt, non curantes ea dictis Abbatisse et Conuentui exhibere, in animarum suarum periculum, et earundem Abbatisse et Conuentus ac Monasterij non modicum detrimentum, super quo eedem Abbatissa et Conuentus apostolice sedis remedium implorarunt. Quocirca discrecioni tue per apostolica scripta mandamus, qua- tenus omnes huiusmodi occultos detentores decimarum, reddituum et aliorum bonorum pre- dictorum, ex parte nostra publice in ecclesijs coram populo per te, uel per alium moneas, ut infra conpetentem terminum, quem eis prefixeris, ea predieüs Abbatisse et Conuentui a se debita restituant, et reuelent, ac de ipsis plenam et debitam satisfaccionem impendant, Et si id non impleuerint infra alium terminum, competentem, quem eis ad hoc peremptorie duxeris prefigendum, extunc in eos generalem excommunicationis sentenciam proferas, et

107

eam facias ubi, et quando expedire uideris, usque ad satisfaccionem condignam solemniter publicari. Datum Amnione IV. Nonas Maij, Pontificatus nostri Anno Secundo.

(Originale membran. cum bulla plumbea in archivo civitatis Brunensis, 0. I. n. 18.) ■

cxxxv.

Conradus, episcopus Olomucensis et Moravice capitaneus, confert Wokont, filio quondam Pauli, camerarii Moravice, villam Kfiiowice in feminin. Dt. in Cremsir Kal. Junii 1318.

j\los Conradus dei gratia episcopus Olomucensis, M. M. capitaneus Notum faci- mus vniuersis presentes literas inspecturis, Quod nos considerantes attentius et prouida deliberacione pensantes, Quod ecclesia nostra Olomucensis nequit subsistere absque seruitorum presidio et fidelium obsequio vasallorum per quos iura possessiones et libertates ecclesie defendantur et fideliter protegantur. Cum igitur necessarium sit ipsam fulciri suffragio et ope defensionis muniri Nos de strenuo iuueni Wockone filio quondam domini Pauli camerarii Morauie nostro dilecto confidentes et sperantes per eius fidele obsequium ecclesiam nostram Olomucensem proficere et honorabile suscipere incrementum villam nostram Crsizowicz anti- quam feudalem nostre collacioni vacantem cum agris pratis siluis molendino piscacionibus, aquis, et aquarum decursibus ac omnibus aliis suis perünentiis sibi et heredibus suis masculis duntaxat legittime descendentibus ab eodem, damus in feodum et iure feodi ad habendum et tenendum et quitcumque exinde sibi placuerit saluo iure fidelitatis perpetuo faciendum. Vt autem suscepti feodi condicio per exhibicionem certi ministerii agnoscatur ipsi Wockoni et succedentibus sibi in feodo hoc onus imponimus, vt nobis et successoribus nostris per se uel per alium cum vno dextrario expedite seruire debeat. Et ad huiusmodi obsequium cum requisitus fuerit sub debito fidelitatis cum promptitudine conuenienti assurgant et sincere fidei constancia nobis et ecclesie nostre omni loco et tempore operibus teneantur et satagent demonstrare. Heredes eciam sui in bonis predictis succedentes ad eadem et similia seruicia tenebuntur. In vinculum quoque dileccionis mutue predictum Wockonem ad osculum recepi- mus. Ipsumque suo et heredum suorum nomine de feodo per nostrum annulum investimus antedicto. Quum autem omnia premissa tam nobis successoribus nostris et ecclesie nostre, quam ipsi Wockoni et heredibus suis rata seruentur et stabilia semperque maneant incon- uulsa nec vllius temporis euo aliquatenus immutentur, sed perpetuum irreuocabiliter sorci- antur effectum hanc paginam ad rei memoriam sempiternam in confectam sigilli nostri iussimus appensione muniri. Acta sunt hec in Cremsir presentibus ecclesie nostre vasallis et testibus ad hoc adhibitis, Jacobo de Vgezd. Friderico de Czehowicz. Arnoldo de Cbwa- lowicz. Wenceslao et Budislao castellanis nostris de Pustymir. Nicolao de Czechowicz pincerna nostro, Nicolao de Strbilsdorf et aliis pluribus fidedignis. Datum in Cremsir anno domini M° Trecentesimo. XVIII° Kal. Junii.

(E Cod. privilegiorum chartaceo (II. fol. 108.) in archivo capituli Otomucensis descripsit Ant.. Boczek).

14*

108