CLXII.

Viro Venerabili et Religioso Domino Jo. Abbati Scotorum in Wienna et conser- uatori monasterij Welegradensis Cysterciensis ordinis et dyocesis Olomucensis, Welezlaus de Yrichaw quondam zudarius in bisencz, Quidquid obsurgi et Reuenire poterit uel honoris, honestati vestre et vniuersis Notum esse Cupio et constare, quod ego licet debilis corpore, sanus tamen animo et racione nec odio nec timore nec precio nec amore seductus, Sed mera veritate et iusticia motus et inductus, et precipue ne in posterum monasterio beate semper virginis Marie in Welegrad deperire queat testimonium veritatis ea Scribo fateor et protestor sub iuramento que inferius subsecuntur. videlicet quod hoc mihi bene et ple- nissime constat tamquam seniori fere de tota terra Morauia et quod hoc publicum est et notorium in terra iam dicta, quod ille tres silue que pertinent in Polshwicz, nacanycz, et gostelam villas cenoblj antedicti, vnacum ipsis villis et omnibus pertinencijs suis perünuerunt iusto proprietatis titulo ad monasterium iam prefatum et hodie pertinere noscuntur, Ita semper audiui a Progenitoribus meis et ita esse in veritate comperi et inueni. Item dico et testor coram Domino, quod dominus Wenceslaus, diue Memorie quondam inclitus et Prepo- tens rex Bohemie, Marchioque Morauie, Piscacionem suam in gostelau me et pene omnibus nobilibus Bohemie et Morauie presentibus dedit et contulit eidem Cenobio iure perpetuo possidendam liberaliter et absolute. In quarum rerum scilicet Piscacionis huius et Siluarum predictarum possessione fuit monasterium sepefatum per tempora plurima pacifice, quousque Dominus Zdeslaus de Sternbcrk sibi eas sine iure et iudicio per meram violenciam vsurpauit sicut et hoc detinet violenter. In cuius rei testimonium presentes literas scribi feci et eas mei sigilli munimine consingnaui. Datum in Vrichau anno domini M°CCC0XX°. Qvinto Ka- lendas Augusti.

Item ego Welezlaus supradictus fateor et dico sub iureiurando, quod mete siluarum prefatarum et circuitus monasterij Welegradensis in veritate sie protenduntur sicut in Priui

127^

legijs tam Regalibus quam Papalibus ejusdem Cenobij manifestissime exprimuntur et conti- nentur. Quarum metarum intersigna sunt hec. Riuulus Beczca qui fluit ad septemtrionem. ad occidentem lapis qui dicitur Cralobztul, De hinc mons qui nominatur Scala, Postea ambiens siluam vgest et Polskwicz et sie per insulam tendens in Morauam. Ego quoque Albertus dictus de Donka, antiquus Kamerarius Morauie, et magister siluarum Regiarum per multa tempora pari motus racione dico et assero sub iuramento, omnia suprascripta esse vera et ita se firmiter habere vt scripta sunt, et hoc publicum esse et notorium et ut de siluis suprascriptis breuiter transeam que a fundacione semper pertinuerunt ad monaste- rium Welegradense, ipsas piscaciones in gostelan et benad, ego de precepto supradicti Regis W. de manu mea assignaui cenobio iam prefato qui ipsas per XXIIII annos tenueram ad castrum Regium in Buchlaw, ad quod tempore Progenitorum meorum et meo pertinuisse noscuntur et ideo sigillum meum duxi presentibus apponendum, Ego et Pardussius de Scher- dicz scabinus et iuratus terre sui iudicij Prouincialis in Bisencz omnia suprascripta dico esse publica et notoria et verissima et propter hoc sigillum proprium presenti pagine applicaui, Ego Iggramus Castellanus in Bisencz dictus de Vngersperk antiquus Camerarius Morauie, omnia supradicta esse vera et verissima et publica atque notoria assero et affirmo eciam sub iureiurando, Nam et ego vicinus monasterij Welegradensis sum et iura ipsius optime cognoui et prelibate piscaciones me presente donate sunt Cenobio iam prefato et ob hoc sigillum meum duxi presentibus apponendum. Datum anno domini supradicto tercia Kalendas septembris.

(Orig. membran. cujus quatuor sigilla avulsa sunt, in archivo ejusdem mouasterii apud C. R. Gubern. Brunae sub lit. M. n. 1.)

cLxin.

Heinrich von Lipa, oberster Marschall von Böhmen, bestätiget der Stadt Deutsch- Brod die ihr von seinen Vorfahrern ertheilten Rechte ,und Freiheiten. Dt. Zu der Lipnicz an sant Dominicus vnd sant Oswaldi Tage 1320.

(Aus der Original -Bestätigungslirkunde des Bercbtold von der Lipa vom J. 1343. im Ar chive derselben Stadt ausgezogen von A. Boczek.)