XII.

Henricus Dei gracia, Bohemie et Polonie Rex, Carinthie Dux et Comes Tyrolis omnibus in perpetuum. Etsi ad quoslibet excellentie nostre deuotos et subditos, suadente Justitia dexteram nostram liberalem teneamur extendere, ad illos tamen liberalius, qui nostris jussionibus parentes, humiliter aduersariorum nostrorum nullis impugnationibus aut terrore perterriti in fide et deuotione suis erga celsitudinem nostram immutabiliter tamquam co- lumna immobilis perstiterunt. Eapropter notum esse uolumus vniuersis tam presentibus quam futuris, quod nos dilectorum nobis Ciuium Ciuitatis nostre Znoymensis, fidei pure constan- tiam, qua se erga maiestatem nostram, aduersariis nostris semper se strenue opponentes, ipsisque resistentes viriliter, laudabiliter conseruarunt, benignitatis nostre oculis intuentes, ac uolentes eos propterea, tamquam bene meritos, digne retributionis stipendijs premiare. Ciues ipsos et Civitatem Znoymensem eisdem et similibus juribus, gratiis et libertatibus, quales seu qualia per nos Ciuibus et Ciuitati nostre Pragensi sunt concesse seu concessa, perpetuo uti uolumus et gaudere. Item uolumus quod iidem Ciues Znoymenses in omnibus Juribus et consuetudinibus laudabilibus, que et quas Ciuitas ipsa Znoymensis et Ciues ipsi ab antiquo tenuerunt, permanere debeant, ipsosque Ciues et Ciuitatem in ijsdem perpetuo uolumus conseruare. Item ciuibus ipsis eligendi ex se annis singulis Judicem idoneum, iuxta Comunitatis uel saltem maioris partis comunitatis beneplacitum, honori et vtilitati nostre ac ipsius Ciuitatis competentem, et prouentus prouenientes, annuatim de ipso Judicio per

11

ipsos Ciues, ab eo qui pro tempore jdem iudicium tenuerit et rexerit, percipiendi imposterum perpetuo, et in usus ac vtilitates, et structuram, reedificationem uidelicet et emendatiouem murorum fossatorum et aliarum necessitatum Ciuitatis ipsius, redigendi et impendendi de consilio et beneplacito ipsorum Ciuium, prout fidei et discretioni ipsorum uidebitur, damus exnunc plenariam et liberam potestatem, ipsumque Judicium et prouentus de ipso Judicio, prout. premittitur prouenientes annis singulis ipsi Ciuitati Znoymensi perpetuo applicamus, damus, conferimus et donamus. Item Villam Vnow, que Winow in vulgari Teutonico appel- latur, sitam prope Znoymam, ipsi Ciuitati Znoymensi, auctoritate Regia iungimus, applicamus et unimus, volentes vt villa eadem Ciuium et Ciuitatis ipsius vtilitati diseruiens, libere ad ipsam Ciuitatem Znoymensem perpetuo debeat pertinere. Ita quod ipsi Ciues ad alicuius census solutionem, ratione possessionis Ville eiusdem Nobis aut Camere nostre faciendam nullatenus sint adstricti. Item Ciues ipsos Znoymenses a solutione quinque Marcarum, quos Census nomine de Villa Schalliczdorff apud Znoymam sita nobis aut Camere Nostre annuatim soluere tenentur, et prius soluerunt, graciose absoluimus, et esse uolumus perpetuo liberos et exemptos. Item, quandocumque et quotiescumque ad ipsam Ciuitatem Znoymensem homi- nes aliquos pro conseruatione et custodia Ciuitatis ipsius nos transmittere et locare continget, illos ibidem locabimus et tenebimus sine dambno Ciuitatis et Ciuium predictorum. Postquam autem, fauente Domino, in Regem fuerimus coronati, literas presentis tenoris renouabimus, et eas ipsis Ciuibus Znoymensibus dabimus, sigillis maiestatis nostre, quibus tunc vti cepe- rimus, sigillatas. In cuius rei testimonium presentes literas fieri, et secreto sigillo nostro jussimus communiri. Data in Znoyma Anno Domini Millesimo Treceutesimo Septimo. IIU°. Idus Nouembris, Indictione sexta. Regnorum nostrorum anno primo.

(Orig. membran. cum sigillo parvo bene conservato in archivo ejusdem civitatis).

xin.

Henricus, rex Bohemice, liberat civitatem Znoymensem ob magna tempore belli perpessa damna a solutione census in sex umtos. Dt. Iglavic e VI. Idus Novembris 1307.

J^los Heinricus dei gracia Boemie et Polonie Rex, Karinthie Dux, et Comes Thirolis, Notum facimus vniuersis presentes literas inspecturis, quod Nos dampnis Dilectorum Nobis Ciuium nostrorum Znoymensium, que multa et magna per nostros aduersarios querre tem pore sunt passi, benigno compacientes affectu, Ciuibus ipsis a solutione Census, quem Nobis de bonis ipsi Ciuitati admensuratis, et ad eam pertinentibus soluere annis singulis tenerentur, et Collectarum seu exaccionum quarumcumque, quas nos Ciuibus ipsis cum aliarum Ciuitatum nostrarum terre Morauie, Ciuibus continget imponere, generali terre Collecta duntaxat ex- cepta, plenam a data presencium ad Sex Annos numerandos continue damus et concedimus libertatem. Dantes super hoc in testimonium presentes literas nostro secreto Sigillo munitas. Datum in Iglauia Anno domini Millesimo Treceutesimo Septimo, VI. Idus Nouembris. Regno rum nostrorum anno Primo.

(Orig. membran. cum sigillo parvo bene conservato in archivo ejusdem civitatis.)

2*

12

xrv.

Henricus, Bohemice rex, siiscipit ecclesiam S. Michaelis Znoymce, ejusque dotem et homines in suam protectionem. Dt. Znoymce XIV. Kalend. Decembr. 1307.

JJYos Heinricus dei gracia Boemie etPolonie Rex, Karinthie Dux, et Comes Thirolis, Notum facimus vniuersis presentes literas inspecturis, quod quia dilectus Capellanus noster Meynhardus plebanus Ecclesie Sancti Michaelis in Znoyma, se obsequijs suis Maiestati nostre gratum multipliciter reddidit et acceptum, ipsum et dictam Ecclesiam Sancti Mychaelis ac dotem et homines dotales ad ipsam Ecclesiam pertinentes, in nostram specialem proteccionem recepimus et tutelam, volentes et ipsi Meinhardo de speciali gracia mandantes, quod ipse et homines sui dotales predicti, in dote ipsa residentes, omnibus Juribus gracijs et libertatibus, quibus freti et gauisi sunt a temporibus retroactis, imposterum libere uti debeant et gaudere, Ciuium Ciuitatis nostre Znoymensis vel quorumcumque aliorum contradiccione aliquatenus non obstante. Quare . . Jadici et . . Juratis ac vniuersis Ciuibus Znoymensibus, qui nunc sunt et qui pro tempore hierin t, precise mandantes, vt dictum Meinhardum vel alium quem- cumque qui dicte Ecclesie Sancti Michaelis plebanus aut Rector pro tempore fuerit, in habendo Judicem specialem super dictis Bonis dotalibus, et in iudicando homines Dotis ipsius per eundem Judicem sicut consnetum est fieri preteritis temporibus, et in alijs Juribus Dotis et Ecclesie predicte sicut grauem indignacionem Celsitudinis nostre euitare cupiunt, impedire nullaterus audeant nec presumant. In cuius rei testimonium presentes literas fieri et secreto Sigillo nostro iussimus communiri. Datum Znoyme anno. Domini Millesimo Trecentesimo Septimo. XIID° Kalendas Decembris. Regnorum nostrorum anno primo.

(Originale membran. in archivo marchionatus Moravit e sub Nr. 12052. A. B.)