CCLLX.

Cvonradus dei gracia Episcopus Olomucensis vniuersis Christifidelibus presentes literas inspecturis salutem in domino sempiternam. Exposcit inter alia debitum nostri ofllcij pastoralis, vt ea que ad sancte Religionis profectum et augmentum cultus diuini nominis pertinere noscuntur nostre promocionis studio recipiant incrementum, Cum itaque Religiosa ac deodeuota nobis in Christo dilecta, Cristina abbatissa et . . Conuentus Sanctimonialium Monasterii Aule Sancte Marie in Suburbijs opidi Brunnensis Cysterciensis ordinis nostre dyocesis Olomucensis nobis humiliter supplicarint, quatenus certos Redditus et prouentus parrochialis Ecclesie in Hustopecz eiusdem dyocesis cuius ad eas Juspatronatus pleno Jure pertinere dinoscitur eis et dicto earum Monasterio in perpetuos vsus applicare, dare et concedere dignaremur. Nos attendentes adeo eandem Ecclesiam in suis Redditibus et pro- uentibus habundare, quod earum porcione congrua dicto Monasterio in perpetuum applicata

196

data et vnita, de parte reliqua prouentuum huiusmodi Rectorum eiusdem Ecclesie qui pro tempore fuerit hospitalitatem et omnia sibi incumbencia onera sufferre poterit condecenter, nostramque concessionem subscriptam Sanctimonialibus et earum Monasterio predictis euidentem utilitatem et commodum futuris quibusuis operibus allaturam de nostri Capituli Olomucensis habito super eo tractatu diligenter primitus sollempni coniuencia pariter et assensu, prefate parrochiali Ecclesie medietatem decimarum vini, tritici, Siliginis, auene et ordei dumtaxat prel$ü§ sanctimonialibus ad sustentacionem, et refeccionem ampliorem et earum Monasterio in per-petuos vsus conuertendam tenore presencium elargimur concedimus et donamus, Sic quod : dilecto nobis in Christo Milota prefate Ecclesie nunc Rectore volente, vel eo in po- sterum cedente aut eciam decedente, eandem decimarum medietatem dicti Monasterij abbatissa, que pro tempore fuerit libere percipere, et in personarum in ipso Monasterio deo famulan- cium conuertere possit vsus, Rector quoque qui postmodum eidem parrochiali Ecclesie preerit reliquam medietatem decimarum de predictis, et omnium decimas integras minutorum prout hactenus ipsius Ecclesie nomine sunt percepte ac ceteros prouentus et Redditus vniuersos presentes et futuros in quibuscumque fuerint percipiet libere integraliter et complete, ac de eis Legatis sedis apostolice, Metropolitano, nobis ac nostris successoribus, necnon Archidiacono loci Jura persoluere, hospitalitatem seruare tenebitur et honorifice poterit sustentari, Nos quoque Jenczo decanus, Sboro prepositus, Johannes Archidiaconus, et Capitulum Olomucense, super premissis omnibus habito tractatu, vt premittitur solempniter, diligenti dicte donacioni et Concessioni assensum nostrum prebuimus beniuolum et presentibus assentimus, In quorum omnium testimonium et memoriam sempiternam presentes literas nostrorum et Capituli Sigillis fieri fecimus communitas. Datum in Olomuncz Anno domini M°. CCC°. XXIIU°. XV. Kalend. Maij.

(Orig. membran. duplex cum duobus sigillis bene conservatis in archivo ejusdem monasterii apud C. R. Guben). Brunte sub lit. Q. n. 11.)