308

Abbatissa, Elizabeth Priorissa, totusque conuentus, tam ille qui nunc est, et erit dante do- mino in futurum, in predicta nostra fundacione Aula sancte Marie in Antiqua Brunna, de omnibus nostris bonis predictis, que ipsis relinquimus, dedimus et assignauimus, mera et libera voluntate, et si diuina fauente clemencia debemus viuere, augere volumus domino sufl'ragnnte, postquam domino nos vocante diem clauserimus extremum, nobis tale faciant memoriale perpetuum, et disponant testamentum, Quod peractis nostris solempniter exequijs, tricesimum diem nostri exitus, rite et racionabiliter in sero cum vigilijs trium leccionum et in mane cum missa defunctorum per conuentum, et dominabus vna specialis pitancia cum refeccione aliquot pauperum, perpetuis futuris temporibus peragent inviolabiliter obseruando. Et si propter occurrentem festiuitatem aliquam officium nostri tricesimi peragi non posset forsitan ipso die, extunc in eadem ebdomada, die proximo ad hoc uacante, ipsum tricesimum peragent dilacione qualibet pretermissa. In anniuersario quoque nostro tota simultas con uentus, vna cum omnibus clericis, tam religiosis quam secularibus nostre fundacioni de- seruientibus, vel a Monasterio quidquam habentibus, vigilijs nouem leccionum et Missa de functorum studiosius intererunt, et quilibet sacerdotum predictorum vnam missam defunctorum pro anima nostra leget, Et domina Abbatissa, que pro tempore fuerit, toto conuentui plenum prandium ac solempne cum vino, simulis et piscibus solempniter ministrabit, Insuper ipsa Abbatissa vnicuique dominarum et dominis sacerdotibus eiusdem ordinis per vnum lottum, siue quatuor grossos, Scolarum vero pueris, Sororibus conuersis, et fratribus conuersis per duos grossos, Ecclesijs eciam sancti Petri, Sancti Jacobi, Sancti Michaelis predicatorum, Sancti Johannis Minorum, in Ciuitate Brunnensi vnum fertonem cuilibet assignabit, vt que- libet Ecclesiarum in ipso nostro Anniuersario cum debita memoria vigilias nouem leccionum cum missa defunctorum decantent solempniter ac deuote in nostre anime remedium salutare, Eodemque die triginta pauperes persone ad plenam refeccionem locabuntur, et panis pro vno fertone inter comunes pauperes diuidetur. Et quia largitor omnium bonorum deus cum domino Wenczeslao Boemie et Polonie Rege filio quondam domiiü Othakari, qui et Prze- missel, dictorum Regnorum Regis, felicis memorie vno nos tantum beauit prole scilicet filia, domina inquam Agnete, quam Illustri principi, domino Hynkoni duci Slezie, domino in frustenberch (sie) et Yawor matrimonialiter copulauimus, quam vt vnicam sobolem, humano ac Materno complectentes amore, a nostre fundacionis participacione nolumus segregare, Disponhnus statuimus et ordinamus, quod cum ipsam nostram filiam ab hac luce deo volente migrare contigerit, ipsius aniuersarius cum die nostri anniuersarij componatur, et vna die tam noster, quam eius aniuersarius modo quolibet vt predicitur deuocius perornetur. Insuper Serenissimos principes bone memorie, dominos Boemie et Polonie Reges nostros conthorales siue maritos, quorum quilibet hec regna et terras, dum nobis sub corona conuiueret possi- debat, Dominus inquam Wencezlaus, predictus filius domini Othakari prefati, Boemie et Polonie et Vngarie regna, Marchionatum Morauie, Regnum Kalizie, Cracouie, Pomeranie et Sandomirie, eoque defuncto de consensu omnium tam Baronum quam Nobilium, et assensu omnium populorum tocius Regni, domino Rudolfo, Boemie Regi, duci Austrie et Styrie, filio domini Alberti diue memorie Inuictissimi Romanorum Regis nupsimus, quorum aminiculo

309

dotis, et dotalicio predictam nostram fundacionem fundauimus et dotauimus, prout superius est expressum, non ab re comp;irticipes nobis, in dicta nostra fundacione recensentes, ipsorum diem annhiersarium vna die in vigilia Decem Milium Militum cum vigilijs nouem leccionum, Missa defunctorum, dominabus plenum prandium cum refeccione triginta pauperum, prout supra scriptum est disponimus, statuimus et ordinamus obseruari perpetuis temporibus in eorum animarum remedium sempiternum. Item diem annhiersarium Parentum nostrorum, a quibus natiuam traximus originem, quos naturali amplecti tenemur affectu, Patre nostro videlicet domino Othakaro, qui et Przemissel dicebatur, Rege Kalisie, Cracouie, Pomeranie et Sandomirie, Matre vero nostra domina Richcza, sue consortis, filia quondam domini Magni, Regis Swecie, disponimus, statuimus et ordinamus in vigilia apostolorum Symonis et Jude, cum vigilijs nouem leccionum, Missa defunctorum, et solempni, ac pleno prandio do- minarum, vt predicitur, et refeccione triginta pauperum plena perpetuis futuris temporibus inuiolabiliter obseruetur. Preterea cum nemo mortalium mundus sit a crimine nec infans cuius vila vnius diei super terram est, disponimus, statuimus et ordinamus, quatenus dies Anniuersarius in feria, secunda proxima post dominicam Circumdederunt in Septuagesima, omnium nostrorum progenitorum, propinquorum, notorum, benefactorum, fidelium nostrorum, et omnium illorum, quorum vel quarum res, vel pecunias violenter, uel voluntarie, iuste uel iniuste perceperimus, cum vigilijs nouem leccionum, Missa defunctorum, pleno ac solempni prandio dominorum vt predicitur, et refeccione triginta pauperum habunda perpetuis futuris temporibus peragatur solempuiter annuatim, Quamuis ergo vniuersis presencium inspectoribus prescripta publice profiteamur, Ad vos tamen specialiter in Christo filias nostras karissimas, filias inquam vteris mentis nostre, ad vos domina Katherina Abbatissa, Elizabeth Priorissa et ad totum Conuentum, siue Collegium nostre fundacionis, Aule Sancte Marie, tam que nunc estis, et eritis dante domino in futurum vsque ad extremum Judicium, est nobis sermo, quem intenta mentis aure audite et cordis intelligencia percipere procurate, Ecce omnia que in hoc seculo accepimus a domino, in ipsius nomine vobis ea tradidimus, eum, ac vos he- redes, omnium nostrorum laborum mera constituimus voluntate, vos omnibus mundi habita- toribus, preferentes, miseremini nostri saltim vos amice nostre, et deum pro nobis iugiter exorate, memores estote, quomodo pro temporalibus spiritualia compensetis, et ne dimittatis legem matris vestre, custodite ea, que a nobis verbis et operibus recepistis, Testificamur enim coram altissimo, et sua gloriosa genitrice virgine Maria, et omnibus sanctis dei, quod si remisse uel desides in hoc nostro testamento, siue vltima voluntate fueritis, ipse in vos requirat, qui reddit vnicuique secundum opera sua, et qui est benedictus in secula seculorum amen. Datum et Actum Brunne in Monasterio Aule Sancte Marie predicto. Anno domini Millesimo Trecentesimo Tricesimo, Septimo Idus Julii.

(Orig. membran. cujus duo sigilla avulsa sunt, in archivo ejusdem monasterii apud C. R. Gubern. Brunte sub lit. A. n. 53.)

310