Codex diplomaticus et epistolaris Moraviae - Urkundensammlung zur Geschichte Mährens, Nr. CDXXXIX. , S. 406
i\os Hinco Dei et Apostolice sedis gracia Olomucensis Episcopus, noium facimus universis presentes litteras inspecturis, quod Nos diuini numinis cultum nostris potius augeri temporibus quam minui, cupientes donacionem Juris Patronatus Ecclesie parochialis in Cho lina, quam discretus vir Adam de Chonicz Monasterio S. Stephani in Gradiss, Ordinis Premonstratensis nostre Olomucensis Diocesis fecit, cuius tenor talis est: Nos Adam una cum Coniuge nostra Domina Eva et liberis nostris de Chonicz notum facimus universis presentes literas inspecturis, cum Jus Patronatus in Cholina, quod nos nostrosque liberos contingit, de Jure et ad Nos pleno Jure pertinet, monasterio S. Stephani Gradicensi Ordinis Premonstratensis, Olomucensis Diocesis pro nostre nostrorumque progenitorum animarum remedio spirituali ad ipsum monasterium ducti devocione omni Jure, quo hactenus ienuimus et habuimus de communi coniugis et liberorum nostrorum assensu, bona voluntate libere contulimus et per presentes conferimus, transferentes predictum Jus Patronatus supradicte Ecclesie in Cholina in ipsum monasterium pleno Jure. Et renunciamus ex nunc expresse nostro coniugis et liberorum nostrorum nomine omni Juri, quod nobis in Jure Patronatus predicte Ecclesie competebat, volentes, quod Dominus Thomas Abbas, qui nunc est, vel pro tempore fuerit, post obitum Domini Witkonis, nunc plebani predicte Ecclesie, quem voluerit, ei conventui placuerit, ad ipsam Ecclesiam personam idoneam, sine quolibet nostro, nostrorumque predictorum liberorum impedimento Domino Episcopo, tanquam verus patronus eiusdem Ecclesie debeat presentare. In cuius rei testimonium presens scriptum Domino Abbati et Conventui predictis dedimus, sigillorum nostrorum et filij nostri Jesconis munimine roboratum etc. Ratam et gratam habentes, ei nostrum benevolum adhibentes consensum, ipsam presentis scripti patrocinio ex certa Nostra sciencia confirmantes, volentes, ut Abbas ipse secularem clericum aut regularem canonicum duntaxat idoneum ad ipsam Ecclesiam in Cholina, dum vacaverit, possit et valeat presentare. In quorum ratificacionis consensus et confirmacionis testimonium presentes litteras fieri et sigilli nostri fecimus appensione muniri. Actum et datum in Namescz Anno Domini M°.CCC°.XXXIII°. Idus Marcij.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}