CDXLI.

In nomine domini Amen. Que geruntur in tempore, ne simul labantur temporis cum decursu, necesse est ea literarum et sigillorum testimonijs ad noticiam perducere futu- rorum. Nos igitur frater Petrus dictus Abbas Aule Regie, Ordinis Cysterciensis, Pragensis dyocesis, vniuersis presentibus et futuris cupimus fore notum. Quod communi vtilitati here- ditatis nostre in Landiscrona cupientes et hominum prouidere, grauamina quoque et turba- ciones, que per aduocatos Landiscronenses Racione cuiusdam antiqui priuilegij, quondam per primos dominos eiusdem ciuitatis et districtus, Hermannum videlicet et Vlricum, dictos de Durnholcz,, dati nostris hominibus sunt illata, volentes mente sollicita remouere, Matura deliberacione preuia, et consilio nostrorum fidelium, tam ciuium, quam Juratorum in Lan discrona, Necnon cum consensu Conuentus nostri et nostrorum conniuencia seniorum, per dilectum nostrum filium fratrem Theodericum, tunc prepositum nostrum in Landisperch, Judicium hereditarium in Landiscrona, cum omnibus iuribus et pertinencijs suis, ac priuilegio cum prefato, apud honestum virum Nycolaum, dictum de Stenicz, eiusdem ciuitatis tunc hereditarium aduocatum, rite et racionabiliter emimus et persoluimus honeste, in omnibus terminis nobis per ipsum prefixis, vt promisimus, cum numerata pecunia et parata, Quod quidem iudicium tempore, quo nobis placuit, per nos et nostros commissarios possedimus pacifice et quiete. Demum vero plurimorum consilio informati, quod vtile foret et proficuum, iudicem hereditarium et non commissarium, nec conuenticium, continue ciuibus conmanere prefatum iudicium, Ideo iure hereditario cum iuribus et pertinencijs subnotatis, ex voluntate et consensu nostri Conuentus honesto viro Tyczkoni dicto Senftenberch, Ciui nostro ibidem rite et racionabiliter vendidimus et vendimus, per eum, et suos heredes, ac Successores, habendum, tenendum, vsufruendum, vendendum, alteri Ciui, seu Judici uel cuicumque com

43

338

muni et honesto viro cum nostro tamen consilio et fauore libere et perpetue possidendum. Hec autem sunt, que volumus ammodo ad predictum Judicium pertinere, videlicet in Ciuitate Landiscron, et circum Ciuitatem, quidquid in ipsam pertinet, et villis adiacentibus Voytsdorf et Jansdorf, que quinquaginta lanei dicuntur, prefato Tyczkoni et suis successoribus vnus dominus in omnibus causis iudiciarijs deriuabitur, nobis duo, Item de causis, que ad Ciui tatem eandem Jure de prouincia deuoluuntur, vtpote sunt homicidia, wlnera, furta et alia hijs similia, que vltra, quam ad vnius Juramentum hominis se extenderunt, tercium denarium habebit Judex proprius ville illius, vnde causa ad ciuitatem peruenit prehabitam, nosque duos, De quibus duobus denarijs terciam partem aduocatus accipiet ,cum suis successoribus prenotatus, Item duos laneos habebit liberos sub aratro, et (res censum sibi soluentes, et alia dona et seruicia, que per nos et nostros officiales, et successores alijs nostris hominibus imponuntur, quos tamen laneos tenetur, Idem Tyczko ab hijs, quibus obligati fuerunt, ab aduocatis prioribus liberare, Item vnam stubam balniarem liberam cum censu suo, quam eciam, cum venalis fuerit, liberabit, Item duo Maccella carnium in fine superiori iacencia maccellorum, que habent duo hostia, et quatuor fenestras. Duo Maccella panum et quatuor maccella calceorum ad ipsum, postquam ea exsoluet, libere pertinebunt, Item duo Molendina sita in villa, et aqua, que dicta sunt Zcazowa, libere possidebit, Item duas Kuppas salis singulis annis a Saliscutis accipiet et a figullis ollas, que Marcktrecht wlgaritur dicuntur, vt hactenus est consuetum, Item piscacionem in villa Sichlingdorf, et non alibi sibi damus, Item venaciones et vogilweyde circum ciuitatem et in quinquaginta laneis ad ipsam perti- . nentibus, Eidem Tyczkoni et suis heredibus et successoribus concedimus pleno iure. Cassamus preterea omnes alias literas et priuilegia omnia super predictum iudicium prius data. Vt autem omnia pretacta perpetue et inuiolabiliter in suo robore perseuerent, presentes scribi et nostri Sigilli appensione fecimus communiri. Datum in Aula regia, Anno dommini M°.CCC°.XXXII°. tercio Idus Julij. Nos quoque frater Vlricus abbas Cedliczensis, visitator aule regie ad peti- cionem et requisicionem domini Abbatis et Conuentus Monasterij supradicti, Rata et grata habemus omnia, que superius sunt expressa, nostroque Sigillo duximus approbanda.

(Orig. membron. cum duobus sigiltis, e quibus alterum avulsum est, in archivo monasteri i Augustinianorum ad 00. SS. Olomuc. apud C. lt. Gubern. Brunn; sub lit. G. n. 1.)