CCCLXVII.

In nomine domini amen. Nos Soror Agnes abbatissa Porte Celi in Tuschuowicz. Vniuersis tam presentibus quam posteris presens scriptum inspecturis cupimus fore notum. Quod incommoditates que pauperibus nostris in Tuschnowicz inminebant iam annis pluribus exstirpare cupientes, quasdam curticulas seu areas foro Ciuitatis nostre iam dicte prope

283

adiacentes, quas actenus dominus Jeruschius bone memorie, et nunc sui heredes tenebant ex parte nostri Monasterij, cum de eisdem curticulis nulla prorsus vtilitas nobis ac nostro Monasterio infra spacium annorum triginta deriuari poterat, de manu filiorum dicti domini Jeruschii videlicet Nicolay et Jeruschij, de fauore et consensu nostri conuentus redemimus ad Ciuium nostrorum peticionem, qui turbaciones non modicas ab incolis curticularum huius- modi vt frequencius paciebantur, Volentes eandem libertatem quam predicti viri habuerunt per potenciam predictarum curticularum incolis ex iuris debito nostri Monasterij firmiter ob- seruari, Ita quod nec Stura (sie) Regalis nec vllius Census solucione, sev aliqua contri- bucione incole strepitu Judicij Ciuitatis, siue quocumque modo aggrauari poterint aliqualiter aggrauentur, nec ad aliquem respectum babeant aliqualem nisi ad nos, uel ad illum qui possessor curticularum fuerit earundem. Intendimus enim post obitum nostrum eas nostro Monasterio incorporare ad vsum dominarum nostrarum perpetuo seruituras. Item si super aliqua causa quis incolarum sepedictarum Curticularum respondere debeat, volumus vt coram nullo respondeat, nec alicuius iudicio subiaceat nisi solum coram illo cui per nos eedem curticule possessionis tytulo fuerint assignate. Item quicumque aliquem ex predictarum cur ticularum incolam turbare uel ei violenciam aliqualem inferre presumpserit suis meritis non exigentibus, si de hoc conuictus fuerit nostro Monasterio mediam Marcam, et Judici Ciuitalis dimidiam Marcam soluere tenebitur violencie huiusmodi pro emenda. Item volumus vf pecora predictorum nostrorum subsidum, si qua habeant pratis et pascuis communicent cum pecoribus illorum de Ciuitate nec abinde per aliquem repellantur, Vt autem bec rata et firma et sine litis calumpnia perseuerent nec inposterum ab aliquo valeant violari, presentes litteras nostri sigilli munimine et sigillorum videlicet honorabilis viri domini Johannis plebani in Tusch- nowiez, necnon fidelis nostri Nicolay de Turri Ciuis ibidem ad Cautelam firmiorem duximus roborari. Actum et Datum in Monasterio beate virginis Porte Celi in Tuschnowicz, Anno domini Millesimo Trecentesimo vicesimo Octauo. In die Natiuitatis Sancte Marie virginis gloriose.

(Orig. memhran. cum tribus sigillis bene conservatis in archivo ejusdem monasteri i apud C. R. Gubern. Brunae sub lit. Y. Fase. I. n. 17.)