CCCLI.

Johannes, papa XXII. mandat archiepiscopo Treverensi aliisque duabus personis, ut archiepiscopum Moguntinum ejusque Capitulum ad restitutionem reliquiarum Sanctorum, olim a regibus Wenceslao II. et III. custoditarum, reginaß Elisabethse compellant. Dt. Avinione V. Idus Octobris 1327.

Dt. Avinione V. Idus Octobris 1327.

Johannes Episcopus Servus Servorum Dei Venerabili Fratri. . Episcopo Olomucensi vel eius Vicario in Spiritualibus Salutem et Apostolicam Benedictionem. Apostolice sedis circumspecta providentia devotorum laudabiles actiones intenta consideratione discutiens illos non immerito amplioris gratia favoris attollit, in quibus uberioris devotionis studia contem- platur. Sane petitio Carissime in Christo filie nostre Elizabeth Regine Boemie Illustris nobis nuper exhibita continebat, quod ipsa dudum quadam infirmitate gravata votum emisit, quod centum Marchas argenti >n pios usus, aut pro subsidio Monasterii Auleregie Cisterciensis Ordinis Pragensis Diocesis annis singulis erogaret. Ob cuius voti redemtionem ius patronatus quod ipsa habebat in parochiali ecclesia in Ruchwan Olomucensis Diocesis dicto Monasterio pia liberalitate donavit, quodque eadem Regina ad dictum Monasterium pium gerens devo tionis affectum desiderat in predicta ecclesia Dilectis filiis .. Abbati et Conventui eiusdem Monasterii in quo laudibus divinis incenditur, et elemosinarum largitiones ac alia multa pietalis opera exercentur, in proprios usus eorum in perpetuum auctoritate apostolica con-

272

t

cedatur, ipsa propter hoc ab eiusdem voti observantia misericorditer absoluta. Quare dicta Regina nobis humiliter supplicavit ut eius super premissis piis desideriis annuere dignaremur. Nos igitur volentes quantum cum Deo possumus ipsius Regine devotis supplicationibus ac desideriis annuere in hac parte, fraternitati tue per apostolica scripta mandamus, quatinus si ita est prefatam parochialem Mense dictorum Abbatis et Conventus prefati Monasterii aucto- ritate nostra in perpetuum unias et annectas ita quod post annexionem et unionem huiusmodi cedente vel decedente eiusdem ecclesie Rectore, liceat dictis Abbati et Conventui auctoritate propria ordinarii loci, vel cuiusquam alterius licentia et assensu minime requisitis prefate parochialis ecclesie possessionem apprehendere et illam propter hoc in usus proprios per- petuo retinere reservatis, de ipsius ecclesie proventibus pro vicario in ea perpetuo, virtutum Domino servituro, loci ordinario presentando, portione congrua ex qua commode sustentari valeat, ac episcopalia iura solvere, aliaque incumbentia sibi onera supportare. Contradictores per censuram ecclesiasticam appellatione postposita compescendo. Non obstantibus si aliqui super provisionibus sibi faciendis de huiusmodi vel aliis ecclesiis in dicta Olomucensi Diocesi speciales vel de beneficiis ecclesiasticis in illis partibus generales apostolice sedis vel lega- torum eius litteras impetrarint, etiamsi per eas ad inhibitionem, reservationem, et decretum vel alias quomodolibet sit processum, quas litteras et processus earum auctoritate habitos si ita est, ad dictam parochialem ecclesiam volumus non extendi, sed nullum per hoc eis quoad assecutionem aliorum ecclesiarum et beneficiorum preiudicium generari . seu quibuslibet litteris et indulgentiis apostolicis generalibus vel specialibus, quorumcumque tenorum existant, per que effectus presentium impediri valeat quomodolibet vel differri et de quibus quorumque totis tenoribus habenda sit in nostris litteris mentio specialis. Nos enim si est ita extunc irritum decernimus et inane si secus super hiis a quoquam quavis auctoritate scienter vel ignoranter contigerit attemptari. Datum Avinione V. Idus üctobris Anno Duodecimo.

(Ex autographo Regesto Johannis, papt e XXII. anni XII. pari. II. pag. 101. epist. 1271. in Tabutariis Vaticanis desumsit Dr. B. Dudik.j