CCLXII.

•Johannes Episcopus Servus Servorum Dei Dilectis filiis . . de Radis prope Olomu- cen .. in Wilemo Wac . . Scotorum in Vienna Pragensis et Pataviensis Diocesium Monasteriorum Abbatibus Salutem et Apostolicam Benediccionem. Militant! ecclesie licet immeriti disponente Domino presidentes circa curam ecclesiarum et monasteriorum omnium tam secularium quam regularium solertia reddimur indefessa soliciti ut iuxta debitum pastoralis ofTicii eorum occurramus dispendiis et profectibus divina cooperante dementia salubriter intendamus. Sane dilectorum filiorum Abbatis et Conventus Monasterii Trebecensis ordinis sancti Benedicti Olomucensis Diocesis conquestione percepimus quod nonnulli venerabiles fratres nostri Archi- episcopi et Episcopi Abbates et alii Clerici cetereque persone tam religiose quam seculares nec non Comites, Barones, Nobiles, Milites, Universitates et alii seculares laici Civitatis et Diocesis Olomucensis ac partium vicinarum, quibus dictum Monasterium, et alia loca et membra eiusdem monasterii immediate subiecta consistere dinoscuntur, occuparunt et occupari fecerunt preposituras, prioratus, ecclesias, Capellas, grangias, obedientias, castra, Casalia, villas, domos,

198

possessiones, vineas, prata, pascua, nemora, maneria, molendina, census, redditns, et pro- ventus, pensiones, iura, iurisdictiones, et nonnulla alia bona mobilia et immobilia ad dictum monasterium, et ad alia prelibata eiusdem membra spectantia, seu eadem detinentibus prestant auxilium consilium vel favorem. Nonnulli etiam Civitatum et Dioces. et partium predictarum qui nomen Domini in vacuum recipere non formidant, dictis Abbati et Conventui in ecclesiis preposituris Prioratibus, Capellis, grangiis, Castris, casalibus, villis, domibus, terris, possessionibus, vineis, pratis, pascuis, nemoribus, maneriis, molendinis, censibus, redditibus, et proventibus, pensionibus, iuribus, iurisdictionibus, ac bonis prefatis, et rebus aliis ad Monasterium ipsum et membra ipsius spectantibus multiplices iniurias inferunt et iacturas. Quare dicti Abbas et Conventus nobis humiliter supplicarunt ut cum valde difficile reddatur eisdem pro singulis querelis ad apostolicam sedem babere recursum providere eis super hoc paterna diligentia curaremus. Nos igitur adversus occupatores detentores presumptores molestatores et iniuria- tores huiusmodi illo volentes eis remedio subvenire, per quod ipsorum compescatur temeritas et aliis aditus committendi similia precludatur discretioni vestre per apostolica scripta mandamus quatinus vos, vel duo, aut unus vestrum, per vos vel alium seu alios etiamsi sint extra loca in quibus deputati estis Conservatores, et iudices eisdem Abbati et Conventui efficacis defensionis presidio assistentes non permittatis eos super hiis et quibuslibet aliis bonis et iuribus ad ipsos seu dictum Monasterium et membra ipsius spectantibus ab eisdem et quibuslibet aliis indebite molestari, vel eis gravamina, seu dampna aut iniurias irrogari facturi ipsis Abbati et conventui, cum ab eis vel eorum aliquo, seu procuratore aut procuratoribus eorundem fueritis requisiti de predictis et aliis personis quibuslibet super restitutione prepo- siturarum, Prioratuum, ecclesiarum, Capellaniarum, grangiarum, obedientiarum, castrorum, casalium, villarum, domorum, possessionum, vinearum, pratorum, pascuorum, nemorum, molendinorum, censuum, possessionum, iurium, iurisdictionum, et aliorum bonorum predictorum, reddituum quoque et proventuum et aliorum quorumcumque bonorum et rerum nec non et quibuslibet iniuriis, molestiis atque dampnis, presentibus et futuris. In illis videlicet, que iudicialem requirunt indaginem de plano sine strepitu et figura iudicii. In aliis vero prout qualitas ipsorum exigit iustitie complementum, Occupatores seu detentores, molestatores, presumptores, et iniuriatores huiusmodi nec non contradictores quoslibet et rebelles cuiuscumque status ordinis vel conditionis, etiamsi Archiepiscopalis vel Episcopalis dignitatis extiterint quandocumque et quotiescumque expedierit auctoritate nostra appellatione postposita com- pescendo. Invocato ad hoc si opus fuerit auxilio brachii secularis. Non obstantibus felicis recordations Bonifacii PP. VIII predecessoris nostri in quibus cavetur ne aliquis extra suam civitatem et diocesim nisi in certis exceptis casibus et in illis ultra unam dietam a fine sue diocesis ad iudicium evocetur, seu ne iudices et conservatores a sede deputati predicta extra Civitatem et diocesim in quibus deputati fuerint, contra quoscumque procedere sive alii vel aliis vices suas committere, aut aliquos ultra unam dietam a fine diocesis eorundem trahere presumant. Sive quod de aliis, quam de manifestis iniuriis et molestiis et aliis que iudicialem indaginem exigunt penis in eos si secus egerint et in id procurantes adiectis conservatores se nullatenus intromittant, dummodo ultra duas dietas aliquis ultra suam Civitatem et diocesim

199

auctoritate presentium ad iudicium non trahatur quam aliis quibuscumque constitutionibus a predecessoribus nostris Romanis Pontificibus tam de Judicibus delegatis et conservatoribus, quam personis ultra certum numerum ad iudicium non vocandis aut aliis editis que nostre possent in hac parte iurisdictioni aut potestati eiusque libero exercitio quomodolibet obviare. Seu si aliquibus communiter vel divisim a predicta sit sede indultum quod interdici suspendi vel excommunicari, seu extra vel ultra certa loca ad iudicium evocari non possint per litteras apostolicas non facientes plenam et expressam ac de verbo ad verbum de indulto huiusmodi et eorum personis, locis, ordinibus et nominibus propriis mentionem, et qua- libet alia dicte sedis indulgentia generali vel speciali cuiuscumque tenoris existat, per quam presentibus non expressam vel totaliter non insertam vestre iuridictionis explicatio valeat quomodolibet impediri et de qua cuiusque toto tenore de verbo ad verbum in nostris litteris habenda sit mentio specialis. Ceterum volumus et apostolica auctoritate decernimus quod quilibet vestrum prosequi valeat articulum etiam per alium inchoatum, quamvis idem inchoans nullo fuerit impedimento canonico impeditus quodque a datum presentium sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetuata potestas et iurisdictio attributa, ut eo vigore eaque firmitate possitis in premissis omnibus ceptis et non ceptis presentibus et futuris et pro predictis procedere, ac si predicta omnia et singula coram vobis cepta fuissent et iurisdictio vestra et cuiuslibet vestrum in predictis omnibus et singulis per citationem, vel modum alium perpetuata legi- timum extitisset constitutione predicta super conservatoribus et alia qualibet in contrarium edita non obstante, presentibus post Quinquennium minime valituris. Datum Avinione IIU Kalendas Aprilis Anno Octavo.

(Ex autographo Regesto Juhannis papae XXII. anni VIII. pari. I. pag. 273. epist. 840. in Tabulariis Vaticanis copiavit Dr. B. Dndik.)