CDXVI.

J\os Johannes de Ror Judex, Henricus Stubennerius, Barthussius, Conradus, Poer- liczerius, Henselinus, Smelczelinus Thamarus, Henselinus, Wiflb, Henselinus de Thuznawicz, Nycolaus Reczerius, Gebehardus de Clobuck, Dietelinus Carnifex necnon Henricus Notarius, Jurati Ciues in Brvna, vniuersis tenore presencium notum esse volumus et constare, Quod controuersiam inter Religiosos viros, dominum Fridericum Abbatem et Conuentum Cenobij Welereddensis ex vna, necnon discretos viros Ciues Redizchenses super quodam Molendino per ipsos Ciues ex nouo constructo, ortam, .que parte vertebatur ex altera, Quam quidem structuram prehabiti viri videlicet.. dominus abbas necnon Conuentus dicti Welereddensis

320

Cenobij ob suis Molendinis dampna et pericula eisdem insurgencia fieri resistebant, ipsam vero controuersiam ex eorum vtrorumque libero arbitrio nobis assumpsimus decidendo. Sano igitur inter nos prehabito consilio tandem taliter discussimus in hunc modum, Quod prefati videlicet dominus .. Abbas et Conuentus ipsius Weleradensis Cenobij suorum Molendinorum obstacula ac litora firmare debent, ipsi quemadmodum hactenus fecerant ab antiquo, Ciues eciam Reddizchenses obstacula ac lithora sui Molendini ex nouo per eos constructi firmare debent, ita tamen quod Molendinis dictorum dominorum nulla inferre penitus pericola vi- deantur. Quos eciam ciues in ipso Molendino ipse dominus . . abbas et Conuentus Wele- raddenses debent absque sui Monasterij dampno seu preiudicio in quibuscumque eis facultates affuerint promouere, Ordinauimus insuper quod sepedicti Ciues Redizchenses de prehabito suo Molendino ipsi prius dicto Weleraddensi Monasterio vnam marcam cum media annis singulis in festo sancti Martini in omnem euentum debent ac teneantur iugiter censuare, Sub silencio ceterum preterire noluimus quod quicumque ex eis ipsam nostram ordinacionem in aliquo violauerint quod a talibus centum Marce domino nostro Regi deriuabuntur, ac nichilominus omnem ipsius Molendini iurisdiccionem perdant, quod ex eorum consensu ac arbitrio coram nobis mutuo fuerat diffinitum, Quod autem nostra sie ordinacio robur obtineat valiturum eis duo priuilegia tenoris eiusdem fieri fecimus, ita quod domini.. Abbatis et conuentus Weleraddensis priuilegium sub Sigillo nostre Ciuitatis Brunensis necnon Sigillo Ciuitatis Reddizchensis in maiorem rei euidenciam duximus muniendum, Datum et actum Brvne Anno incarnacionis domini Millesimo Trecentesimo Tricesimo Primo, proxima feria secunda post dominicam quadragesimalem videlicet Judica me deus.

(Orig. membran. cujus duo sigilla avulsa sunt, in archivo ejusdem Monasterii apud C. R. Gubern. Brunn; sub lit. M. n. 1 ; aliud exemplar ejusdem tenoris cum duobus sigillis illffisis in archivo civitatis Hradiste.)