CLXXIV.

In Nomine Domini Amen. Ego Jaroslaus de Schasticow Omnibus Christi fidelibus in perpetuam noticiam subscriptorum. Gestarum rerum contractus, sive Disposicio Successione temporis evanesceret, nisi testium linqua, sive literarum fulcimento stabili firmaretur. Ad- vertens inspiratum mihi divinitus hora resolucionis mee, solum eos felices fore, qui de execucione operum misericordie salutari vicissitudine repensantur. Senciens, quod tempore novissimi Judicii non patet Venie locus, neque gracie liiis, qui se bonis operibus onerare neglexerint in presenti. Ad noticiam igitur deduco Vniversis tam presentibus, quam in posterum successuris, quod pia Voluntale, animoque deliberato Viris Honorabilibus et Reli- giosis, Domino Abbati et fratribus in Smilenheym, qui pro tempore fuerint, Sex Laneos meos in Villa dicta Ugest cum Omnibus pertinenciis, que ex eisdem Laneis michi prove- niebant, et provenire poterant, quomodolibet in futurum, cum Omni jure et Dominio hereditarie in ipsos translato, sie ut dictorum Laneorum sint perpetui successores, Contuli pure propter Deum nomine testamenti in remedium anime mee, et Omnium Predecessorum meorum, eo quod apud ipsos et eorum in Monasterio elegerimus sepulturam. Testes hujus Donacionis sunt YVlczko de Dobroticz, Nicolaus de Malehnawicz. Witko de Sluschowicz et alii quam plures fide digni. In huius rei testimonium perpetuum presentes mei sigilli et Patrui mei Wlczkonis predicti munimine jussi roborari. Datum in Smilenheym Anno Domini Millesimo Trecentesimo Vigesimo Primo.

(E Mooastico Ms. in tomo Cisterciensium in archivo Rayhradensi.)