IX.

l%os Johannes dei gratia Olomucensis episcopus, Notum facimus vniuersis presentes litteras inspecturis. Quod nos de consilio capituli Olomucensis ecclesie nostre dissensionem, que inter nos ex vna, et inter Nicolaum, Jenczonem, Franconem filios eius de Chorynie, ac Heinricum, Franconem de Modricz, Heymanum de Slapanicz filios Luczkonis . . filios Johannis de Luczka ac . . filios Theodorici de Branek ex altera parte habita est ad hanc horam, Nobili viro domino Witconi de Swawenic, Camerario Olomucensi, et fidelibus nostris Herbordo de Syrbecz, Camerario nostro, Andree de Cethochowicz, Conrado de Gelcz, Bunoni de Teschowicz et Heymanno comiti de Prsybor cum plena potestate commissimus, vt eam, deum habendo pre oculis, inter nos secundum iusticiam dirrimerent bono fine et promittimus bona fide, quod omnia et singula ordinata et pronunciata per eos pro parte nostra rata et firma tenere volumus, et numquam contrauenire in aliquo eorundem. Nos itaque Witco dictus de Swabenicz Camerarius Olomucensis, Herbordus camerarius, Andreas de Cethochowicz, Conradus de Gelcz, Buno de Theschowicz et Heymannus comes de Prsybor super predicta dissensione commissa nobis per ipsum venerabilem dominum nostrum Episco- pum Olomucensem, prout ordinauimus et concordauimus ad inuicem pronunciamus, publicamus et proferimus in hiis scriptis. Primo quod ipse venerabilis noster dominus Johannes episcopus Olomucensis Nicolao, Jenczoni, Franconi et ceteris omnibus suprascriptis cum amicis et hominibus ac complicibus eorum omnem culpam et excessus, quos ad hanc horam contra eum fecerunt, ex corde indulgeat, sicque nunquam animaduertat aliquid propter ea contra eos. Preterea omnes pacciones seu ordinaciones, super quibus qualescumque hactenus litere confecte fuerint inter ipsum venerabilem dominum nostrum Olomucensem episcopum et inter Nicolaum, Jenczonem, Franconem et alios suprascriptos, per presentem ordinacionem nostram simul cum ipsis literis nullius momenti debent esse penitus a modo seu vigoris. Ceterum quia predicta dissensio non potuit complanari, nisi prius retractata esset causa, quam Geor- gius Arnolthowicz marschalcus et Bouslaus cum fratribus de Crasna super dampnis ipsorum contra Bludonem de Trenauia et Heymannum comitem de Prsybor prosecuti- fuerint. Ideo ipsam causam inter iam predictas partes retractamus taliter vt (causam) tam predicti Georgius et Bouslaus cum fratribus suis de nouo resumant et in curia ipsius domini nostri Episcopi Olomucensis iure Magdeburgensi prosequentur eandem. Insuper dampna, quecumque de potestate et per homines ipsius domini nostri Episcopi Olomucensis Jenczoni, Franconi et aliis amicis ac hominibus et complicibus eorum quibuscumque hactenus sunt illata, dampna eciam, quecumque iam dicti Jenczo, Franco cum amicis et hominibus ac complicibus suis ipsi domino nostro Episcopo Olomucensi et suis hominibus vsque nunc intulerunt, equo modo inter se sufferant et equaliter sibi parcant, sicque de cetero ex vtraque parte non fiat aliqua questio pro eisdem. Ad hec ipse dominus noster Johannes episcopus Olomucensis cum domibus

.8_

et iuribus ipsorum in nouo Castro deinceps faciet idque volet sed in recompensam huiusmodi predicti homines de ipso nouo Castro hereditates illas, que purglehen wulgariter dicuntur, duodecim annis libere possidebunt, elapsis autem iam dictis annis, si quis tunc ex nobis vixerit, ille dicto domino nostro Episcopo Olomucensi de ipsis hereditatibus debita seruicia ostendet, vel in Castro eiusdem provincie pro conseruacione ipsius de ipsis hereditatibus, si opus fuerit, locabuntur, — Item de hoc, quod ille, qui coram ipso domino nostro Episcopo Olomucensi pro feodis suis querimoniam mouerunt, et non comparuerunt in termino peremp- torio sibi dato, milites et vasall i ecclesie requirantur, et si iam dicti milites et vasalli ecclesie jure Magdeburgensi eos inuenient, ius suum perdidisse totaliter, ab accione sua super ipsis feodis debent inperpetuum cessare. Si uero per ipsos milites seu vasallos dicto iure Magde burgensi ostendetur, quod dicti sui pro feodis querimoniam fecerunt, non perdiderunt ius ipsorum, Tunc primo debet per eos super iam dictis feodis querimonia inchoari, Herum ipse dominus noster Johannes episcopus Olomucensis nullum penitus vasallum seu infeuda- tarium suum a modo detinere debet, nisi precedat iudicium et iusticia de aliquo eorundem. Nullus etiam vasallorum et infeodatariorum Olomucensium literas securitatis et conductum ab ipso domino nostro Episcopo Olomucensi expetat et requirat, sed libere quidem ad ipsum, excepto solo casu homicidii, quando vult veniat omni hora. Si quis autem pertinaciter venire non curaret ad ipsum dominum nostrum, nunc ipse dominus noster per suos milites proinde faciat iudicari. Amplius priuilegia Olomucensis ecclesie declarabunt super metis et limitibus, pro quibus inter Bouslaum et amicos . . suos de Crasna et inter Bludonem de Tirnawia et Heymannum comitem de Pirsybor questio habetur, de hoc iam dicto vtraque pars contenta penitus esse debet. Item si prefatus noster dominus Johannes, episcopus Olomucensis, aliquem de vasallis suis sine iudicio captiuauerit, et ipsum infra duas septimanas liberum non dimi- serit, infrascripti fideiussores, qui sua sigilla presentibus appenderunt, post duas septimanas easdem Ciuitatem Olomucensem intrabunt in mille marcis adiacendi in obstagio, donec uel dictus capliuus dimittatur liber, uel per ipsum dominum Episcopum Olomucensem Jenczoni et Franconi cum suprascriptis omnibus persoluantur predicte mille marce. Si uero etiam ipse dominus noster dominus Johannes episcopus Olomucensis aliquid aliud supradictorum infregerit, et hoc infra octo septimanas non retractauerit, post ipsas octo septimanas secundo ciuitatem Olomucensem dicti fideiussores intrabunt, donec ipse dominus noster Episcopus Olomucensis retractet ea, que infregit, uel dictis Jenczoni et Franconi cum aliis supra scriptis amicis eorum predictam pecuniam persoluet. Et quia nos Johannes dei gracia Episcopus Olomucensis, vt supra promisimus, predicta omnia et singula iam pronunciata rata et firma tenere volumus, propterea nostro et capituli nostre ecclesie Olomucensis sigillis presentes litteras fecimus et procurauimus communiri. Nos vero Witco dictus de Swabenicz Camerarius Olomucensis, Dluhomilus scolasticus Olomucensis Ecclesie, Herbordus camerarius eiusdem domini nostri, Andreas de Cethochowicz, Conradus de Kelcz, Marssik de Wasan, Hodislaus de Malkowicz, Buno de Theschowicz, Sobyen de Tessnowicz, Slawata nepos eiusdem domini domini nostri, Nehradus de Wasan et Wilhelmus de Dimowicz, qui pro ipso venerabili patre et domino nostro domino Johanne Olomucensi episcopo promissimus et fideiussimus in solidum super

9

obseruandis per eum omnibus supradictis, sigilla nostra presentibus etiam duximus appen- denda. Actum et datum in Cremsir anno domini M.CCCVII.XV. Kalendas Octobris.

(E codice privilegiorum chartaceo II. fol. 110 in archivo capituli Olomucensis descripsit A. Boczek.