VI.

•Johannes dei gracia Olomucensis episcopus vniuersis presentes literas inspecturis salutem in eo, qui est omnium vera salus, Veniens ad nos venerabilis in Christo frater dominus Gerlacus prepositus monasterii Chunicensis quasdam literas nobis exhibuit domini Brunonis Felicis memorie, quondam episcopi predecessoris nostri non cancellatas non abolitas nec aliqua sui parte viciatas, in quibus apparuit euidenter, dominum Nicolaum felicis recor- dacionis quondam prepositum ipsius monasterii Chunicensis a canonicis et capitulo Boleslaui- ensis ecclesie decimales denarios decem et septem ecclesiarum Brunnensis et Snoymensis archydyaconatuum, sue Chunicensis ecclesie, pro vna marca argenti morauicalis ponderis soluenda eidem capitulo Boleslauiensi annis singulis, cum adhuc ad ipsum capitulum spectaret predictorum decimalium denariorum colleccio in emphiteosim perpetuam conduxisse, super conuencione et conduccione confirmacio et assensus dicti domini Brunonis pie memorie, tunc Olomucensis episcopi intercessit. Nichilominus prout per ipsius patentes literas confectas

5

super hoc, quarum tenorem presentibus breuitatis gracia interseri obmisimus, apparet et apparuit euidenter. Conquerebatur tarnen idem dominus Gerlacus prepositus Chunicensis dominum Theodoricum felicis recordacionis predecessorem nostrum, postquam ad ipsum dictorum decimalium colleccio a iam dicto Boleslauensi capitulo translata fuerat, non obstan- tibus conuencionibus conduccionibus et confirmacionibus antedictis, marcam ipsam annuam in exigendo aliquociens minus debite quadruplasse. Quare petebat humiliter et deuote, quatenus ad omnem litigiorum materiam amputandam in dictorum decimalium solucione dicte sue Chunicensis ecclesie dignaremur misericorditer et plenarie prouidere. Cupientes igitur pios actus predeccessorum nostrorum, non solum ratificare et roborare, sed eciam pietatis studio adaugere, ob merita dicti in Christo fratris domini Gerlaci prepositi Chunicensis dilecti nobis et deuocionum personarum ibidem deo deuote militanciiun predictis XVII. ecclesiis, quatuor insuper ecclesias, quarum iuspatronatus ad ipsam Chunicensem spectat ecclesiam, quoad colleccionem eciam decimalium' ipsi Chunicensi preposito et suis successoribus subici- mus liberaliter et in perpetuum. Ecclesiam sancte Marie videlicet in antiqua Bruna, in Cowalow, in Walterowicz et in Swola. Sic quod nomine illarum quatuor ecclesiarum nichil nobis aut successoribus nostris soluere debeat, aut debeant annuatim, ab annua eciam pensione siue solucione dicte marce argenti, siue eius, quod loco illius marce nomine ipso- rum decimalium denariorum qualitercumque de predictis ecclesiis solutum est et solui debet in posterum, et a pensione similiter annua et solucione trium fertonum, quos sepedictus prepositus de villis suis situatis circa flumen Iglauiam in Brunnensi archidiaconatu specialiter nomine decimalium consueuit soluere, ipsum et sepedictam suam ecclesiam Chunicensem perpetuo et liberaliter nichilominus absoluentes, dantes ipsarum viginti et vnius ecclesiarum plebanis et rectoribus auctoritate ordinarja firmiter in mandatis, quatenus in solucione dicto rum decimalium ipsi preposito et suis successoribus studeant efficaciter et humiliter obedire. Nos enim sentencias omnes et singulas occasiohe dictorum decimalium per sepedictum pre- positum et ipsos vel eorum quemlibet rite prolatas ratificamus, approbamus et auctoritate predicta presenti serie patrocinio confirmamus. Propter quas tamen liberaciones, coniunctionem et subiectionem dictarum ecclesiarum quatuor, per nos factam, ipsum dominum Gerlacum Chunicensem prepositum de pecunia sue ecclesie pro nobis et nomine nostro LX marcas ad pondus siue numerum marcarum Morauicalium, tunc per nos debitas, pro decima deputata subsidio terre sancte, soluisse tenore presencium profitemur. Quarum quidem LX marcarum sic solutarum pro nobis sepedictus prepositus Chunicensis liberacionem et quietacionem ex causis predictis plenariam nobis fecit. In quorum testimonium ad perpetuam rei memoriam presentes literas eidem domino Gerlaco preposito Chunicensi et ipsi ecclesie sue dari fecimus sigilli nostri appeusione et munimine roboratas. Datum et actum in Pustmyr anno domini Millesimo trecentesimo septimo, V. Idus Aprilis, Pontificatus domini Clementis pape V. anno secundo.

(E codice sseculi XIV. initiant. in folio minimo n. LXXXVII. fol. II. in archivo archiepiscopali Cremgirii descripsit A. Boczek).

Jß