CCLXXII.

In nomine domini Amen. Quia vigilantibus et non dormientibus iura subueniunt ne deflciamus in iure iuri deficere non oportet, Cum igitur nuper ex editi a Reuerendo Patre nostro domino Chonrado Olomucensi Episcopo, in Cremsir celebrata synodo, virtute statuti Quo in omnes infra octauas beati Martini decimales denarios non soluentes interdicti fertur sentencia, et discretus vir dominus Waltherus plebanus in Jaslawic Znoymensis vice- archidiaconus, nomine dicti Episcopi suum certum ad venerabilem patrem ^tostrum dominum Johannem Lucensis Monasterii abbatem mittendo nuncium racione denariorum decimalium olim a Bolezlauiensi capitulo pro duabus Marcis puri argenti, ipsi Lucensi Monasterio loca- torum, quamuis idem capitulum a dicto Monasterio propter parrochialium ecclesiarum decimas iure sibi patronatus subiectarum recipere consueuit, ab ipso abbate exegerit, quamuis tamen prefatus dominus abbas summam prescriptam ipsi nuncio coram pluribus fidedignis optulerit et idem nuncius vice dominorum predictorum Sex marcas petendo contra iusticiam. duas Marcas ut dictum est sibi in prompto oblatus recipere recusarit, domino abbate prescripto eandem pecuniam, ne ipsi et plebi sui iudicari valeant contumaces in loco certo, aduocatis ad hoc pro testimonio pluribus viris ydoneis deponente, et quod dudum super recepcione dictorum decimalium inter memoratum dominum nostrum Episcopum eiusque capitulum extitit cissura suborta, sicque dubitabatur, cui denarii predicti deberentur ex iure, Maxime tamen cum ijdem denarij, ne domino darentur Episcopo vice ipsius capituli aput nostrum Mona- sterium fuerint arestati, Demum quod predictus uicearchidiaconus in Lodnicz Olakwicz Grilwicz Prenticz Prawicz Shataw, et in sancti Nycolai Znoyme parrochiales ecclesias interdicti tulit sentencias, in nostri Monasterij prefati ecclesiarumque predictarum, ac per- sonarum ipsarum non modicum preiudicium et grauamen. Ego frater Zacharias Lucensis

211

Canonicus per vos dominos supradictos senciens premissos dominos meos et fratres grauari et grauatos esse, ac in antea plus posse grauari, nomine et iussu ipsorum a predicto grauamine seu grauaminibus ac sentencijs latis et ferendis ob inde, si sentencie dici possunt, Presertim cum nemo possit plus iuris transferre in alium, quam sibi conpetere dinoscatur, a vobis et ipsis sentencijs ad sedem apostolicam in hijs scriptis appello et appellans instanter instancius instantissime peto et Herum ac iterum peto subiciens ipsum Monasterium nostrum Lucense, ecclesias parrochiales, ipsius personas, iura et statum ipsarum proteccioni sedis eiusdem. Lecta et interposita est hec appellacio in domibus fratrum predicatorum et minorum in Znoyma coram eorum conuentibus et in ecclesia sancti Nycolai ibidem Anno domini Millesimo Trecentesimo vicesimo quinto, in die sanctorum Martirum Innocencium. Item anno predicto in vigilia Epyphanie in Ecclesia Kathedrali in Olomuncz presentibus Domino Jenczone Decano domino Zborone preposito, Domino et Ma- gistro Stephano Znoymensi Archidyacono et quam plurimis canonicis collegij memorati, et in Ecclesijs fratrum ordinum Predicatorum et minorum ibidem pluribus ex eis presentibus, Item in ecclesia gradicensi coram domino abbate et eius conuentu, Item anno premisso VII°. Idus Januarii in Zaberdowicensi Ecclesia et in Ecclesijs fratrum ordinum Predicatorum et minorum in Brunna pluribus ex eis presentibus ad hoc rogatis pro testimonio et uocatis, In cuius rei testimonium pro cuius facti euidencia optinui prefatorum dominorum, et fratrum presentibus apponi sigilla.

(Orig. membran. cum VII. sigillis oblongis et bene conservatis in archivo monasterii Lucensis apud. C. R. Gubern. Brunte sub. Lit. L. n. 14.)

t