CDXXXV.

Johannes, rex Bohemice, donat monasterio Aulce S. Marice capellam in castro Spielberg sitam. Datum Brunce in die S. Andrece Apost. 1331. Aos Johannes dei gracia Boemie et Polonie Rex ac Lucemburgensis Comes, Notum fieri volunius tenore presencium vniuersis, Nos subtili consideracionis oculo pensasse, Quod inter omnia virtutum exercicia opus misericordie suos actores in conspectu districti Judicis astare faciat cauciores, Nos igitur tanto feruencius eisdem misericordie operibus tenemur insistire quanto pre ceteris alcioris dignitatis apicem dinoscimur conscendisse, Hinc est quod pium deuocionis affectum ad Monasterium dictum Aula Sancte Marie, cuius nos fundatores sumus et censeri volumus, gerentes, ac pijs et deuotis precibus Religiosi viri fratris Conradi Confessoris ipsius Monasterij graciosius inclinati, Capellam Castri nostri Spilberch cum om nibus et singulis vtilitatibus et prouentibus suis, ad hospitale ipsius Monasterij de nouo fundatum, vt Pauperes siue Infirmi in eo degentes sustentacione corporalis alimonie eo copiosius recreari valeant, dedimus et damus perpetuo presentibus pleno Jure taliter tamen, vt prouisor eiusdem Hospitalis ipsi Capelle de ministro pro sacri celebracione officij pro- uideat, cui Purchrauius ipsius Castri qui pro tempore fuerit expensas debeat ministrare, In quorum omnium, testimonium et Robur perpetuo valiturum presentes fieri et nostre maiestatis Sigillo iussimus attencius communiri. Actum et Datum Brunne Anno domini Millesimo Tre- centesimo, Tricesimo Primo, In die Sancti Andree appostoli.