CCCXLII.

•Johannes dei gracia, Boemie et Polonie rex ac Lucenburgensis comes, omnibus in perpetuum. Omnipotentis dei clemenciam erga nos, tunc incitare confidimus, cum quibus- libet piis locis nostram muniiicentiam imperlimur, et satagimus, ut cultus iusticie nostris temporibus observetur. Ea propter ad venerabilem virum fratrem Bavarum abbatem devotum nostrum dilectum et conventum, ac ipsum sacrum cenobium in Brewnow prope Pragam ordinis sancti Benedicti, regularem observanciam que viget ibidem, divini nominis cultum, ac alia opera pietatis, nostre mentis aciem convertentes, devotis nostris . . preposito . . fratribus ac monasterio in Reigrad Olomucensis diocesis, quod tamquam membrum dicü cenobii Brewnoviensis, ad ipsum in spiritualibus et temporalibus spectare dignoscitur pleno iure, provinciale iudicium per omnes districtus ad dictum monasterium Reigrad spectantes, tam in causis pecuniariis quam capitalibus seu criminalibus sive mutilationis . sive mortis cuiuslibet, divine remuneracionis intuitu plenissimo iure contulimus et conferimus tenore pre- sencium litterarum. Inhibentes districte dilectis nostris fidelibus capitaneo per Moraviam, seu beneficiariis per districtum Brunensem, seu iudicibus et iuratis quibuslibet ne de malefactoribus, qui in dicti monasterii districtibus Reigradensis captivati fuerint, seu in ipsis moram traxerint vel habitaverint, seu alias dicti monasterii homines fuerint captivati aliquando . . iusticiam seu iudicium faciant in personis ipsorum seu rebus, sed ante omnia illi vel illis personis religiosis vel secularibus quibus dicti prepositus et conventus Reigradensis dictum iudicium commiserint, dicti malefactores presententur et ab hiis iusticia fieri postuletur, et quod in

34*

268

personis et rebus statutum fuerit, per eosdem inviolabiliter auctoritate regia observetur. Nulli ergo omnirio hominum nostrorum fidelium liceat hanc paginam nostre concessionis infringere, vel ei ausu temerario contraire. Si quis autem attemptare presumpserit, indignacionis nostre acrimoniam, se noverit incursurum. In cuius rei testimonium et robur perpetuo valiturum, presenti litere nostre sigillum munificencie est appensum. Datum Prage anno domini millesimo trecentesimo vigesimo septimo. Septimo Idus Junii.

(Copia simpl. in opere mspto. Moravia monastica etc. etc. opera Bonav. Fiter et Alex. Habrich, descript. a Gerardo Lefebure 0. B. Tom. I. pag. 83. sqq. Raygradii.)