CXIV.

ich Hainrreich von der Leipene, vnde ich Schenke Sein svn vergehen, vnde tuen chunt an diesem offm priefe, allen den, die en Sehent oder hoerent lesen, die nv Sint, vnde her nach chuenftik werdin; daz Wir mit Gueten willen, vnde mit vordachtin muete Puergil vnde Schirm wordin sein, des guetes ze Cheuwirnik, daz vnser chnecht Wilhelm von frene, vnde seine prueder dem Erbern Herrin Herrin Ottin von Cheyow ze chaufin habint gegebin, vnde des herin, vnde seinen pruedern gewert hat allir dinge, vnde gelobe wir dem vorgenanten Herrin Herrin Otten von Cheiow, vnde seinen erbin daz egftnante guet ze Schirmin vor alle ansprache, vnde vor alle abeschuttunge, als Landes recht ist, vnde wer aber daz, daz her sein cheinen Schaden neme, Ez AVer an chost die auf tadink Gienge, oder ob ez im mit rechte an behabl wuerde, swaz des selbin Schaden wer, den Her beweisen moechte mit seinen trewen, Den gelobe wir im vnde seinen Erbin dar nach in vierzehen tagen swen her vns genannt hat. ahe ze legin, vnde wider ze ehern, an allez geverde genczlichen allir dinge vnde tete wir des nicht, so gelobe ich vorgenante hainreich von der Lipene, vnde ich Schenke sein svn, je der man einen rithermezigin chnecht mit zWen pferdin, Dar nach in acht tagin, in die stat ze Reiz ze sendin, vnde sueln darinne legin, als inlegers recht ist, vnde suln ouch nimmer auz chomen, wir en habin von erst, dem vorgenanten herrin herrin Ollen von Cheiow oder seinen erbin des Schaden verricht allir Dinge, vnde gebin im vnde seinen Erbin des dar vber zu einen

88 .

vrchunde, vnde zu einer Sichirhait, vnseni offin prief, mit unser paider Insigille bestetigit, vnde behangin. Dieser Prief ist gegeben, vnde gescreben ze Recz in der stat, do nach Gutes Geburt ergangen warn, driezehen hundirt Jar vnde sibenzehen Jar, in der vasten vier Wochin vor Ostem.

(Das Original auf Pergament mit zwei ziemlich gut erhaltenen Sigiltcn in dem Archive des Klosters Bruck in der k. k. Statthalterei-Itegistratur zu Brunn sub Lit. II. n. 14.)

cxv.

Vlrich Pflug verbürget sich für das vom Wilhelm von Frain und dessen Bruder an Otto von Gaya verkaufte Gut Kaidling. Dt. Rotz an s. Gregorius abende. 1317.

Ich Vlreich der Phluk Vergich vnde tue chunt an disen offin prife, allen den, die En sehent oder hoerent lesen die nv sint, Vnde hernach chunftik werdint. Daz ich des gutes ze Cheuwernik, daz willhelm von frene, vnde Seine Prueder, dem erbern herrin herrin Otten von Cheiow vnde seinen erbin verchauft habint, vnde des her Si rechtlichin vnde redelichen gewert hat, unverscheidinlichen Puergil, vnde Scherm wordin bin, Also daz ich dem egenanten herrin herrin Ot von Cheiow vnde seinen erbin gelobe daz vor genante guet ze Cheuwernik ze Schermin vor alle ansprache, vnde vor abschuttunge, als Landes recht ist, Vnde wer aber daz, daz der vorgenante herre herr Ot von Cheyow oder seine Erbin chainen Schaden dar nemen, Ez wer an chost di auf tadink gienge, oder ob ez im oder seinen Erbin mit rechte wuerde an behabt, swaz desselbin schadens wer, den her beweisen moechte mit seinen trewen, den selben schaden gelobe ich Vlreich der phulk dem vorgenanten herrin herrin Ot uon Cheyow, vnde seinen Erbin dar nach in vierzehen tagin swen man mich gemanet hat, an allez geverde wider ze chern vnde ze verrichtin. Tet aber ich des nicht, So gelobe ich mit meinen trewen, Eynen Rithermezigin Chnecht mit zwen pferdin, Dar nach in acht Tagin in die stat ze Retz ze sendin in ein erber gast- hous, vnde soll nimmer auz chomen, ich en han von erst, dem vorgenanten herrin von Cheyow vnde seinen Erbin yren Schaden wider gechert genczlichen vnde Verrichtit. Vnde gebe im vnde seinen Erbin des darveber zu einem Vrchuende vnde zu einer sicherheit diesen offm prieff mit meinen Insigil bestetigit, vnde behangin. Dieser prief ist gegebin vnde gescriben ze Retz in der stat, Do nach Gotes geburt Ergangin waren Drinczehen hundirt Jar, in dem Sibenzehentin iare, an Sende Gregorius abende.

(Das Original auf Pergament mit einem anhangenden gut erhaltenen Sigille in dem Archive des Klosters Bruck in der k. k. Statthalterei - Registratur zu Brünn sub lit. H. n. 14.)