CCXCII.

Johannes dei gracia Bohemie et Polonie Rex, ac Lucemburgensis Comes, fidelibus suis dilectis judici et juratis ac vniuersitati Ciuium in Bruna graciam suam et omne bonum, Cum ob respectum diuine remuneracionis et memoriale perpetuum, nostrorumque predecessorum animarum remedium, et nostre salutis augmentum, ad instanciam Illustris Domine Domine Elisabethe Regine, Domini Wenceslai Boemie et Polonie quondam Regis Soceri et pre- decessoris nostri karissimi Relicte Monasterium Aule Sancte Marie in Antiqua Bruna, gracias libertates ex certa nostra sciencia donauimus perpetuo duraturas, Volentes ea super omnia Jura predecessorum Nostrorum Regum Boemie et Marchionum Morauie inuiolabiliter obseruari, Et presertim super vinorum dicti Monasterij propinacione in loco solito et con- sueto, ac specialiter in Curia Claustri ad hoc sito, ac deputato, fidelitati vestre precise, et expresse, ac districte precipimus, et mandamus, omnino volentes, ut contra gracias et li bertates per nos et predecessores nostros, ut premittitur, liberaliter factas et datas, nullus vestrum, aut aliquis uestre dicioni subiectus, cuiuscumque status, gradus, condicionis, aut preeminencie existat, contraire presumat, aut eas aliqualiter ausu temerario infringere, seu inuadere, aut quoquomodo agrauare. Si quis secus fecerit, penas per antecessores diue memorie nostros latas et fulminatas ac nostre. Regie potestatis indignacionem se noverit incursurum. Datum Prage Anno domini Millesimo Trecentesimo Vicesimo quinto, octava lilus Maij.

(Copia simplex in conflrmatione privilegiorum ejusdem rnonasterii ab Imperat. Maria Theresia 1748 data inter analecta Aut. Boczek in archivo marchionatus Moravite.)