Codex diplomaticus et epistolaris Moraviae - Urkundensammlung zur Geschichte Mährens, Nr. LXI., , S. 116
LXI.,
\\ ir Johanns von Gots gnaden Kunich ze Beheym, vnd ze Polan, vicari des Romischen Riches, vber Tutschin Lant, vnd Grafe ze Lucelinburch, veriehen vnd tun chunt, allen luten di disen brief sehent oder horent lesen. Daz wir mit den Hohen Fursten herin Fridriche, vnd herin Liupolten Herczogen ze Osterriche vnd ze Steyr vnsern lieben Swegern, vns verpunden haben, in ze helfen vnd ze rathen, getriwelich vnde luterlich vier ganczin Jar von sandt Jacobes tag der hut ist, gen aller menichlich, an gegen dem Riche vnd gen dem Hohen fursten herin Karelein dem Kunige von Vngern. Marggrauen Voldemarn von Rranneburch, vnd herczogen Bonczlaw von Bretzla, di hie ouz genommen sint. In der wise
als her nach geschriben stat Der brief ist gegeben ze Wienne an sand Jacobes
tag. Do von Christes geburte warn driutzehen Hundert Jar. vnd dornach in dem zweliften Jar. In dem andern Jar vnserer Riche.
(Kurz, Oesterreich unter K. Friedrich dem Schönen, Beilage X. p. 425.)
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}