CDXXX.

Aos Johannes dei gratia Boemie et Polonie Rex ac Lycemburgensis Comes, Ad vniuersorum noticiam volumus tenore presencium deuenire. Quod nos volentes condicionem ciuitatis nostre Olom. facere meliorem, statuimus volentesque de Molendino sancti Jacobi apud muros ipsius ciuitatis situm, (sie) et de omnibus aliis bonis, hereditatibus seu pos- sessionibus, de quibus possessores eorum cum ciuitate ipsa ab antiquo contribuerunt, ac consueuerunt contribuere in antea perpetuis temporibus cum ipsa ciuitate et eius ciuibus contribuant, et onera incumbencia quelibet patiantur. Addicientes de gracia speciali, quod ipsi ciues de omnibus bonis, a religiosis aut clericis, quibuscumque condicionis existant, emptis uel emendis, nullam bernam, collectas, contribuciones, vecturas et daciones qua- lescumque quocumque nomine censeantur, dare et facere debeant, sed solum censum, et non amplius, religiosis uel clericis, quibus debetur assignent decetero, verum de bonis ipsis, cum predicte ciuitatis ciuibus, contribuciones et onera, expleant iugiter et persoluant. In cuius rei testimonium presentes literas fieri, et sigillo nostro fecimus communiri. Datum in Chuttnis, Anno domini Millesimo Trecentesimo Tricesimo Primo, XVI. Kal. Octobris.

(Ex Orig. cum sigillo bilaterali conservato in archivo ejusdem civitatis descripsit A. Boczek.)