CDXIII.

«Johannes dei gracia Bohemie et Polonie rex ac Lucemburgensis comes omnibus in perpetuum. Ad extollenda justorum preconia, et malorum insolentias reprimendas, prospiciens de celo iustitia erexit in populis regnantium solia et diuersorum principum potestates. Caruisset enim libenter humana conditio jugo dominii iurisque rigorem dictari contra se nullatenus petiisset, nisi quod impunita scelerum licentia in euidentem consuevit hominum perniciem redundare, oportuit principum sanctionem naturalem libertatem submittere justitie et generis humani malitias iuris dictamine et gladio ultionis debite coherceri. Considerantes igitur et experientia certa scientes, quod dilecti fideles nostri cives Olomucenses, in se ipsis a bonis eorum per uarios debitores hominum uiolentos ac temerarios occisores et alios maleficos multipliciter opprimuntur et in dampna grauia deducuntur, ipsorum commodis et

318

profectibus, in quibus nos ipsi proficimus et letamur intendere et prouidere indempnitatibus, deo propitio disponentes. Hac prouidia et in perpetuum ualitura constitutione mandamus, decernimus, statuimus irrefragabiliter et sanccimus, concedentes auctoritate regia, et uolentes, quod ipsi ciues nostri Olomucenses, et eorum quilibet per judicem ciuitatis ipsius, aut nun- cium eiusdem quemcumque suum debitorem in ipsa Ciuitate Olomucensi arrestare pro suo ualeat debito; dummodo illud non plene perueniat ad decem marcas Morauici pagamenti, sexaginta quatuor gross, pro marca qualibet computando, sed sit saltem minus uno fertone. Illud quoque duximus statuendum videlicet, quod ciues predicti possint et debeant capere, iudicare, incendiarios uiolentos et temerarios hominum in stratis publicis et alias occisores et alios maleficos quoscunque; nec teneantur ammodo auctoritatem nostri prouin- cialis iudicis, aut etiam ipsius presenciam expectare. Uolumus preterea et mandamus quatenus nulli deinceps hominum et presertim regnicolarum nostrorum liceat castrum aliquod de nouo edificare, uel etiam fortiliciam preter specialem nostram licentiam infra miliaris unius circum- circa ciuitatem predictam distanciam, instaurare, de quo uel qua ciuitati nostre sepe dicte seu ipsius incolis possit aliquo modo preiudicium generari. In cuius rei testimonium presentes literas fieri et sigillo nostro maiori iussimus communiri. Datum Merany anno domini millesimo trecentesimo tricesimo primo.

(Ex originali cum sigillo equestri integro in archivo ejusdem civitatis copiavit A. Boczek.)