CDXXIX.

i^os Johannes dei gracia Boemie et Polonie rex ac Lucemburgensis Comes, ad vniuersorum noticiam volumus tenore presencium deuenire. Quod nos attendentes vtilitatem Ciuitatis nostre Brunnensis, et querelas litigancium, seu questiones oriencium ex causis diuersis sopire volentes, sicut decet, statuimus quod vniuersi et singuli in dicta nostra Ciui- tate testamenta in extremis facere cupientes, non in possessionibus, seu hereditatibus vel bonis quibuslibet, sed in parata dumtaxat pecunia, liberam testandi habeant facultatem, Et si aliqua dubitacio, siue questio, inter partes, ex verbis testatoris, seu factis oriatur, sive oriri quouis modo posset, extunc volumus, quod vnus ex Consulibus nostre Ciuitatis ibidem, qui pro tempore fuerit, parte ex vna, et alter discretus vir de parte litigancium parte ex altera eligantur, Qui dicti duo viri prouidi dubium seu questionem predictam declarare et diffinire, liberam nostra authoritate habeant facultatem contradiccione parcium, contra dictam declaracionem seu diffinicionem qualibet non obstante. Adicimus eciam, quod vniuersa et singula bona, per Religiosos in dicta Ciuitate empta, vel quocumque alio titulo comparata, vel acquisita, per eosdem, non obstantibus priuilegijs seu gracijs quibuslibet, onera, collectas, subsidia, et generaliter queque grauamina cum dicta nostra Ciuitate portent, contribuant, et sustentent in premissis omnibus, nunc et inantea, nostris iuribus semper saluis, Inbibentes

329

districte, ne per aliquos Religiosos, quocumque nomine censeantur, bona, que antiquitus ad dictam nostram Ciuitatem pertinere dinoscuntur, emantur vel conparentur quoquomodo, quam empcionem, si contra presentem nostram inhibicionem attemptata fuerit, volumus penitus non valere. Harum testimonio literarum. Datum Prage IIU°. Idus Septembris. Anno domini Millesimo, Trecentesimo, Tricesimo Primo.

(Orig. membran. cum sigillo bilaterali ex parte laeso in archivo ejusdem civitatis, B. IL n. i.)