CCLXIX.

«Johannes episcopus seruus seruorum dei, ad perpetuam rei memoriam . Solio apostolici culminis disponente domino presidentes dignis mouemur affectibus et motibus racionabilibus excitamur, ut pijs uotis quorumcumque fidelium illorum presertim que circa diuini cultus augmentum et pietatis opera intendentes sataguntur celestia pro terrenis ac- quirere, et commutare transitoria pro eternis, promptis affectibus anuamus . Sane carissima in Christo filia nostra Elizabet Regina Illustris relicta clare memorie Wenceslai Regis Boemie, uidua, nostro apostolatui referente dedicimus, quod ipsa tamquam filia benedictionis et gratie, fulgore ueri luminis radiata, diem messionis extreme cupiens misericordie operibus preuenire, et ea seminare in terris, per que de benedictionibus eternam vitam merere ualeat in ex- celsis, ad ipsius cultus augmentum, et suorum remissionem peccaminum, quoddam Monasterium Monialium in antiqua Brunna Olomucensis diocesis, quod Aula sancte Marie uulgariter nuncupatur, ad landem et gloriam omnipotentis dei, et eiusdem beate Marie virginis, matris eius honorem, loci diocesani et Carissimi in Christo filij nostri Johannis Regis Boemie Illustris ad id accedente consensu de nouo fundauit pariter et dotauit. Cum autem dieta Regina Monasterium ipsum, et personas in eo degentes, Cisterciensi ordini ascribi desi- deret, et eas secundum iustituta et regulares obseruancias dicti ordinis uiuere et perpetuo gubernari, nobis humiliter supplicauit, ut Monasterium et personas huiusmodi incorporare eidem ordini auctoritate apostolica dignaremur. Nos igitur eiusdem Regiue in hac parte propositum, piumque desiderium plurimum in domino commendantes, illudque eius suplica- cionibus inclinati, uolentes apostolici fauoris gratia fauorabiliter confouere, uolumus et apostolica auctoritate decernimus, quod dictum Monasterium et persone in ipso degentes,

209

uoto eiusdem ordinis professionis astricte, presentes et postere sint de cetero perpetuis futuris temporilms Cisterciensis ordinis, et appellacione eiusdem ordinis nuncupentur, et etiam pro talibus habeantur, auctoritate statuentes eadem, quod Monasterium ipsum membrum eiusdem ordinis sit, et deinceps imperpetuum censeatur, quodque tam Monasterium, quam Abbatissa, que est, et erit pro tempore, ac Conuentus et persone predicte, omnibus exemptionibus, libertatibus, immunitatibus, priuilegijs, indulgentijs et gratijs quibuscumque eiusdem ordinis de cetero inperpetuum gaudeant et utantur, quibus potiuntur et gaudent alia Monasteria et membra ordinis prelibati. Nulli ergo omnino bominum liceat hanc paginam nostre uoluntatis, constitutionis et statuti infringere, uel ei ausu temerario contraire. Si quis autem hoc at-^ temptare presumpserit indignationem omnipotentis dei et beatorum Petri et Pauli apostolorum eius se nouerit incursurum. Datum Amnione XV. Kalendas Decembris. Pontificatus nostri Anno Nono.

(Orig. membran. cum bulla plumbea in arcbivo ejusdem monasterii apud C. R. Gubern. Brunst, siib lit. B. n. 8.)