CLXXXVII.

J^ios Conrad Dei gracia Olomucensis Episcopus notum facimus uniuersis presentes literas inspecturis, quod cum toter Ottonem Plebanum Ecclesie in Moravans, et Bartussum Ciuem in Brunna super quodam allodio seu curia et agris ad eam pertinentibus in eadem villa Marvans situata, et ab eodem Bartusso nouiter comparata, quam curiam et agros, ipse Plebanus dotales sue Ecclesie, dictus vero Bartussus non dotales, sed eidem Ecclesie duntaxat annis singulis in duabus marcis grossorum Pragensium fuisse, et fore obligatos asserebant, fuisset suborta materia questionis, talis nobis presentibus, ac de nostra conni- uencia et assensu inter eos composicio interuenit, quod idem Bartussus statim dictos curiam et agros prefato Plebano liberos dimittere, et sibi cedere debeat de eisdem, ac idem Rector ipsi Bartusso in festo Natiuitatis Beate Virginis proxime affuturo quatuordecim marcas et fertonem, grossorum Pragensium sexaginta quatuor pro earum qualibet computando omni- mode et finaliter persoluere teneatur, et si idem Plebanus in eodem termino memoratas quatuordecim marcas et fertonem ipsi Bartusso forsitan persoluere non valeret, extunc vel prius ipse Plebanus non poterit alteri cuiquam dictos agros cum curia vendere, vel eciam pro predicta in prenominato termino conquirenda pecunia aliqualiter obligare, sed ipse Bartussus et beredes sui extunc in antea eosdem agros cum curia, iure, quod vulgariter Purchrecht dicitur, tenebunt, et perpetuo possidebunt, Plebano supra scripte Ecclesie, qui pro tempore fuerit, singulis annis duas marcas duntaxat census nomine, nec quidquam aliud persoluendo. Actum et datum in Modracz dilectis in Cristo nobis Sebastiano Preposito, Hermanno et Friderico Canonicis Ecclesie sancti Petri in Brunna et Sdizlao Plebano Ecclesie in Urbaw, nec non Mauricio Nicolao de domo Theutonica, Henslino Werfoms, et Nicolao Cristani presentibus et aliis pluribus fide dignis, anno Domini millesimo trecen- tesiino vicesimo primo, VI. Nonas Julii.