CCCXV.

J^os Gerhardus de Maschwicz recognoscimus publice, et ad vniuersorum noticiam volumus tenore presencium deuenire, Quod maturo et deliberato animo vendidimus, nec non rite et racionabiliter vendimus per presentes Religiosis dominabus domine Ysaldi, tunc pro tempore Abbatisse, necnon totali Conuentui Monasterij Sanctimonialium in Ossla in villa dicta Droskowicz Quinque laneos, Quatuor agros cum duabus Curticulis maioribus, quorum vide- licet laneorum cum suis pertinencijs premissis pensio siue Census annuatim ad nouem marcas plenius estimatur, cum hominibus, agris, pascuis, aquis, Edificijs, Prouentibus, Juribus, Juris- diccionibus, plenoque dominio et generaliter cum omnibus pertinencijs et Juribus in quibus- cumque rebus consistant, sicut ad nos et ad heredes nostros hactenus pertinebant, pro Nonaginta Marcis grossorum Pragensium, Sexaginta quatuor grossis pro Marca qualibet — conputatis, possidendos, habendos, et tenendos per eas, seu per alios, cui memoratus Conuentus dictos quinque laneos cum agris et Curticulis, cum suis, vt premissum est, pertinencijs, tenendos, regendos conmiserint, Ipsisque de predictis laneis ex nunc libere cedimus et eciam iure hereditario possidendos perpetue resignamus, Tenore presencium confitentes, nos a predictis dominabus Nonaginta Marcas plenarie percepisse, et in necessitates nostras, et heredum nostrorum, vtiles et necessarias plenius conuertisse. Et vt dicta vendicio maiori fulciatur robore firmitatis, prehabitam vendicionem et singula premissa, necnon et inferius scripta seruare, tenere, et adimplere, nec contra ea, vel eorum aliquod vllo tempore venire promittimus bona fide, Renuncciantes expresse in omnibus et singulis premissis omni auxilio iuris Canonici, Ciuilis, et Czude, nec non excepcioni, doli mali accioni, restitucioni, in in tegrum decepcioni vltra dimidiam iusti precij non solute, non ponderate, non numerate, non electe pecunie, et in vtilitatem nostram non conuerse, necnon omni accioni, defensioni, et rei cuilibet, que obici posset, de iure uel de facto. Contra premissa, vel aliquod premissorum que omnia et singula cassa esse volumus et irrita, et in nullo nobis in Judicio, uel extra Judicium suffragari, Sed sincere promittimus, ipsam vendicionem ratam et gratam seruare in perpetuum, Ipsosque laneos cum suis pertinencijs in toto et in qualibet eorum parte a quolibet impetente per quemcumque impedirentur, vel impediri possent, secundum Jus terre et consuetudinem per Triennium disbrigare. Si vero dictos laneos ab impeficionibus non preseruaremus, uel sie dieti lanei per modum, qui abschutten dicitur, euinci contingeret, lllico a die impeticionis, qua nostra deficiet assecuracio, Czudarij et Officiales terre in alijs bonis nostris locatis, et bonis Nouem Marcas certorum reddituum prenominato Monasterio et Conuentui in Ossla sine omni strepitu Judicij nostra licencia et voluntate tenebuntur, sine contradiccione qualibet assignare. In cuius rei testimonium presentes sub nostro scribi Sigillo fecimus literas, Petentes ardenter nichilominus Nobiles viros et dominos, Dominum videlicet Henricum de Lipa, Summum Capitaneum Morauie, Gerhardum de Chunstat Brun nensem et Znoymensem Camerarium, Cesamam de Jewissowicz, Hartlebum de Misliboricz,

245

Ottonem de Nasmaricz, Sdenkonem de Plabcz Znoymensem Czudarium, et Berchtoldum Pircherium, vt in signum amplioris euidencie et testimouij Sigilla eorum presenti kartule sint appensa, Datum et actum Brunne, Anno domini Millesimo Trecentesimo Vicesimo Sexto, In die Beati Vdalrici Episcopi.

(Originale membran. cum VIII. parvis sigillis, e quibus tantum l"m V"" et W"m supersunt, in archivo civitatis Brunensis, 0. I. n. 20.)