CCLXIII.

Vniuersis ac singulis christiane fidei professoribus. Ego Chunradus dictus de Moschwicz profiteor per presentes, quod de assensu dilecte coniugis mee Gerdrudis, quondam filie Ottonis de Oblakwicz ac sororis eiusdem, Agnetis nomine, habendo respectum ad quam- plurima beneficia per predecessores earum percepta a Lucensi ecclesia, Insuper quia dominus abbas et fratres dicti Monasterij mihi Chunrado omnem decimam triticj, Siliginis, Ordej et auene prouenientis hoc anno dumtaxat in Paraticz Bohemicali contingentis se, ex iure de- cima Curie ibidem exclusa, liberaliter contulerunt. Renunciaui, et ex nunc renuncio pro me, et dictarum Gerdrudis coniugis mee, ac Agnetis sororis ipsius nomine, nec non loco et nomine omnium heredum nostrorum, quos ex nunc habemus, seu habituri sumus in antea domino Largiente ac nomine et vice omnium quorum interest, vel interesse potest quoquo- modo, de iure uel facto, omni iuri quod habemus, uel habere uisi sumus, aut habere possemus in curia sita in oblakwicz, quam quondam ut nos, Otto et sui filij post eum

200

Ottlinus et Carulus possederunt, cum omnibus eiusdem Curie attinentijs et prouentibus do- morum, agrorum, pomeriorum, pratorum, ac aliarum possessionum undecumque proueniant, uel in quocunque consistant, quoue nomine, uel tytulo censeantur, de maturo consilio et libera voluntate nostrorum omniimi premissorum, et testium subscriptorum, in manus predicti domini Abbatis et Conuentus dicte Lucensis ecclesie, eadem bona ab ipsis et eorum Mo- nasterio absque contradiccione qualibet impeticione, et impedimento sublatis quibuslibet, perpetuo libere possidenda, Ita tamen quod si grando quod absit hoc anno prefatam decimam lederet, nisi vltra duos tritici duos siliginis et duos Modios auene in decima ibidem habere non possemus, non in predictos abbatem et conuentum, nec in eorum Monasterium sed in me dampnum huiusmodi redundabit, Quod si nec sex Modij ut dictum est ex eadem haberi possent, tunc dominus abbas, et conuentus predicti, Sex Modios ut predicitur ex gracia soluet Agneti predicte Znoymensis mensure. Testes omnium premissorum sunt domini Stizlaus de Vrbau, Miles Polcho dictus de Chinring, Stenko de Platsch, Vurchozlaus de Peterwicz, Zcuscragius de Schiroticz, Beneschus de Raussenbruk, Alphardus de Dyax inferiori, et Pil- grimus de Hednicz, ad hoc rogati specialiter et uocati, quorum sigilla pro cautela presen- tibus sunt appensa. Datum et actum in Lucensi Monasterio supradicto. Anno Domini Millesimo, Trecentesimo, Vicesimoquarto XVI°. Kalendas Julij.

(Orig. membran. cum VIII. parvulis sigillis, e quibus ultimum avulsum est, in archivo ejusdem monasterii apud. C. II. Gubern. Lit. H. n. 21.)