Wy Hinrick de iunghere van gades gnäden hertoge thu Meklenborgh, greue thu Swerin, ffurste to Wenden, Werle, Rotstok vnd Stargarde der lande here bokennen vnde bothügen äpenbar an desseme äpenen breue vor alsoweme, dat wy mid vnnsen eruen rechter wytliker schult schuld ich sint deme duchtigen, vnnsem leuen trüwen Lutken Hanen thu Baseduwe vnd synen rechten eruen sosteygen hundert lubesche mark Stralen vnd Gripe, alz an deme lande thu Wenden ghenge vnd geue sint, de he vnns rede ir mäkinge desses breues gelegen hefft vnd in vnnse, vnnser eruen land vnde lüde merk- liken beste gekämen vnd gekeret sind, alz an vnnse slot Plawe, dat he vnns dar mede vth der grund gemüret vnde gebAwet hefft; dessen vör- screuen tzummen penninge schole wy heren vnd forsten vörbenömet mid vnnsen eruen vnd wyllen dessen vör- benömeden Lutke Hanen vnde sinen rechten eruen mid der renthe nu to sunte Marten erstökämende wol to dancke wyllichliken vnd leffliken, alze he dat vör vnns vth gegeuen hefft, to der nöge gans vnde al wol bo- reden, geuen vnde betälen mid güdeme Rosterme gelde Strale vnd Gripe effte gold na der were, effte mid so nögaftigen vorvollegeden panden, de mid alleme rechte

20*

308_

vorvolleget sint, de me driuen, dregen offte vören mach, där desse vörbenömede Lutke Hane effte syne ernen desse vörscreuenen tzummen penninge mitl der rentbe mede effte vp nemen möge van cristenen lüden effte van iöden, an eyneme tzummen, vppe eyner stede an deme lande thu Wenden effte an deme lande to Stettin effte in wat lande, wör Lutke Hanen effte synen eruen euenst effte to boqußmest kumpt, sunder i^negerleye hinder, wedderspräke effte insegghent vnnser effte vnnser eruen. Wereth ök Lutke Hane effte syne eruen vns vörbenö- meden heren vnd fursten effte vnnsen eruen dessen vör screuenen tzummen penninge lenchk stän lethe, wente to desseme sunte Marten vörbenömed, so scole wy em vnd wyllen alle iär to renthe där vöre geuen sostich Iu- besche mark vnde hundert vnde de renthe an deme höuetstöle nicht afftoslände. Ok scal Lutke Hane effte synen eruen dessen vörscreuenen tzummen penninge nicht vorbreken könen iegen vns heren effte vnnse er uen. Alle desse vörscreuen article vör vnd nä läue wy vörbenömede heren vnd fursten mid vnnsen rechten eruen vnd vnnsen trüwen medelöueren, als Clawes van Oldenborch to Gremmelin, Ratke Kerkdorp to Wob- bekendorpe, üLut&C üftOltjatt töme Grupenhagen, Otte Moltke töme Stritvelde, Tydke Hobe to Wastkow, Gunter Fineke to Carow, Vitke Veregge to Rosseuisze, wy läuen alle myd ener vorvollegeden sämeden hand deme duchtigen Lutke Hanen vnd synen rechten eruen stede vnd vast wol to holdende sunder ienegerleye ar- gelist, hulperede edder snöde invindinge bynnen breues effte büthen breues, vnde ök de samede hand nicht vurder to sökende sunder eyns to hüse vnde haue mid bäden effte mid breuen, so schal de samede hand mid

309

alleme rechte vorvollegen wesen, vnd we ök dessen breff hefft mid wyllen Lutke Hanen vörbenömed, deme schal he so hulpelik mede thu mänende wesen, effte he em toscreuen w§re van worden to worden. Wer ök dat desse breff wör mede vorsümet were an scri- uende effte an dichtende edder hole krege, dat schal vnns vörbenömeden heren vnd ffursten nicht kämen to främen vnd vnnsen eruen vnde Lutke Hanen vnde sinen eruen nicht kämen to schäden. To thüge vnd to grö- terme löuen hebbe wy heren vnd vörbenömede ffurste vnnse ingesegel vor vnns vnd vnnsen rechten eruen vnd wy trüwe medelöueren alle vörbonömed vnnse ingesegel läthen hengen an dessen äpenen breff, de geuen vnd screuen ys na gades börd dusent verhundert dar na an deme dre vnd sostigesten iäre, an deme achten dage der hilgen dryer konige :c.