Wy Hinrick vnde Hinrick van gades gnäden her- toghen tho Mekelenborch, fursten tho Wenden, Rostock vnde Stargard der lande heren, bekennen vnde betfigen an desseme vnsem breue vör vns vnde vnse eruen, alse Ludeke vnde Hans, gheheten Hanen, tho Basedowe, vnde Ludeke Hane, alle vedderen, tho Wargentin wän- afftich, meyneden tospräke tho hebbende to der innighen an god Margareten Kolres priören, Beate Stuten vnder- priören vnde to der meynen sümelingen tho Malchow vmme de beiden dorpe Jabel vnde Hagenow belegen in dem lande tho Warne, där hebben ere beider frunt na vnseme willen an fruntscop vnde güdliken tho e.nde vorscheden vnde vorsleten, so dat de breff, den Henneke Hane den iuncfröwen tho Malchowe vppe de beyden dorpe heft vorsegelt, vnde vnses leuen ohmes Cristofer

197

von Werfe Ienbreff scholen bi aller macht blyuen tho ewigen tiden, vnde de erghenannten Hauen hebben dat vörscreuen güd vppe dessen hüten dach vppe dat nige vorläten, vnde wi ergenanten heren hebben den präweste vnde priören vnde den meynen iuncfruwen dat vorläten güd vorlenet vnde iegenwardighen vorlenen in craft desses breues, in aller mäthe vnd wise, so id vnse ohm Cristofer van Wenden vorseghelt vnde vorlenth heft; ock vmme sundergher bede willen vnser leuen vedder- ken Agneten van Wenden, clösteriuncfröwen tho Mal- chow, gunnen wi vnd geuen de lenwäre der beyden kerken alze Jabel vnde Swerin deme präweste to Mal- chow, dat he de möghe vorlenen to ewigen tiden, wen ze lös zin vnde wen des nöth is vnde behöf. Hir an vnd äuer zin ghewesen vnse getruwen rätgeuen: Henningh Warborch, Otto Veregghe, UlrtCft ÜSoItt&lt, Reimer van Plessen, Ludeke Hane, her Nicolaus Berin gher, präuest to Dobbertin, her Johan Hesse, kentzeler vnde kerkhere tho Rostock, Bernhardus Kolbouwe, scriuer, vnde mer lüde löuenwerdich. Geuen to Plawe, amme dage der elnen düsent iungfrowen, anno :c. qua- dragesimo nono, to witschap vnde bekantnisse mit vnser beyder inghesegele vorseghelt.

198