Vör allen vnde ßneme iewelken, de dessen ieghen- wardyghen bref zeen edder hören lesen, wy DerttarDUS fHOltjatt, kerkhere to Bard vnde deken des ka- landes van deme land to Tribuzes, de nu to der tyd to Bard lecht is, Detmarus Wuniz, Her- manns Scroder, vörestendere, Johannes Wychel, Jo hannes Vos, Petrus Schouwenbergh, Bernardus Schekel, prestere, Hinric Grymme, Herman Woltbrecht, borgher- mestere to Bard, Marquard Russche, Albreght Doten- bergh vnde menlyken alle brödere des vörscreuen ka- landes vör syk vnd alle ere nakömelynghe döen wytlyk, wo Ghereke Stenhaghen wandäghes to deme Mertens- haghen wänaftych myt synen erven vnsen vörevären deme deken, den vörestenderen vnde allen bröderen, de do to der tyd in deme vörscreuen kalande weren, vnde allen eren nakömelinghen vorkoft heft vör neghen- tych mark sundesscher munthe neghen mark gheldes alle iäre vptobörende to deme Mertenshaghene vte den höven vnde van den höven, do do to der tyd vppe wänden Clawes Holste sos mark paght, Clawes West wal dre mark, myt pandynghe, myt rychte, myt denste, mit aller vrygheyt vnde tobehörynghe, alse syn väder vöre vnde he na quytest vnde vrygest beseten hadden, em vnde synen erven dar nychtes ane to beholdende, sunder

allene vör den vörscreuen summen [den] vörköp, so de breue ynneholden, de Stenhaghen vnsen vörevären dar vp gheuen heft. Desse ergenhömeden [summen] gheldes myt alsodaner tobehörynghe vnde vrygheyt, alse de vnsen vörevären syn vorkoft vmme.... willen des vör screuen Kalandes, hebben wy vörbenömeden HJsrnatBttS iHoItjatt, Detmarus Wuniz, Hermen Scroder, Johannes Wychel, Johannes Vos, Petrus Schouwenbergh, Ber- nardus Schekel, prßstere, Hinric Grymme, Hermen Wolt- brecht, Marquard Russche, Albreght Dotenbergh na vulbörd der menen brödere [des vörscreuen] kalandes vortan vorkoft deme duchtyghen manne Cord Horste anders ghenömet Schomaker, wänaftich to deme vör screuen Mertenshaghene, vör enen benömeden summen pennynghe, de vns to der nöghe er der mäkynghe desses breues wol betälet is, so wy des myt em syn eenghe[ghän], vns vnde vnsen nakömelynghen där nichtes ane to beholdende, wes wy bet an dessen dachg dar ane had hebben, alse Ghereke Stenhaghen vnsen vörvären vorkoft heft, so de breue vtwysen, de hee dar vp [ghegheuen] heft, de wy Cord Holsten vnde synen erven willen hören vnd lesen läthen, wen hee ofte syne erven van vns vnde vnsen nakömelynghen des begherende is: dat wyse wy gantz vnde degher myt alle, nychtes vt to nemende, to deme vörbenömeden Cord Horste vnde to synen erven, iodoch also oft iemend van erves weghene edder van rechtes anwalts weghene de vör screuen neghen mark gheldes van rechtes weghene mochte wedderköpen edder lözen vör neghentych mark, so Stenhaghens brßue vtwysen, den ofte de vnvor- sümed wäre wy vnde vnvorbreuet. To högher vorwäryn- ghe, merer bekentnysse vnde vaster tüchnysse hebben

113

wy vörbenomeden myt vulbörd der inerten brödere vör vns vnde vnse nakömelynghe vnses kalandes inghe- seghel myt wytschop henghen läten vör dessen bref, de gheuen vnde screuen is bynnen Bard na godes börd düsend iäre veere hundert iär vnde veertych iäre in deme daghe sancti Bartolomei des hilghen apostels. Nach dem im Archive zu Barth aufbewahrten Originale, dessen an einem Pergamentstreifen hangendes Siegel unkenntlich ist.