Na Cristi vnnses heren gebört verteynhundert vnde in deme drevndsostigesten iäre in sunte Aghaten daghe der hilgen iuncfrowen is gedegedinget twischen den

höchgebörnen fursten vnde heren hern Hinricke, hern Alberde, hern Johanne vnde hern Magnese, hertogen to Mekelenborg, fursten to Wenden, greuen to Zwerin, to Rostok vnde Stargarde der lande heren, vnde eren landen vnde lüden vppe ene, vnde deme erwerdigen in gode vädere vnde heren hern Wedighen bisschoppe to Hauelberge vnde sinen stichte vppe de anderen siden, in naschreuener wise: Töme ersten is alle vnwille, twe- dracht vnde missehegelicheit bigelecht, de twischeu den hern vörbenömet vnde eren landen vnde lüden vppe beyden siden geweset is bette an dessen dach; Vordmer scholen vnde willen de vörbenömeden heren hertogen den erbenömeden heren bisschopp vnde de sinen vor- dedingen, beschutten vnde beschermen na al erem vor- möghe, vnde wör se dessuluen heren bisschoppes vnde der sinen to eren vnde rechte mechtich sint, dar scholen vnde willen se ouer siner hulpe stän; desgeliken schal de bisschop weddervmme dön vnde de heren van Me kelenborg vnde ere vndersäten in sinem stichte vorde- dingen, beschutten na al sinen vermöge, vnde wanner he der Mekelnborgeschen heren to eren vnde to rechte mechtich is, so schal he by erer hulpe bliuen, so be- schedelken dat dat des bisschoppes erffheren nicht mede ghelt. Dyt allent is gesehen vnde gedßdinget töre Mer- nitze. Där by an vnde öuer weren: de strenghe vnde eddele Busse Ghans, here to Potlest, vnde de duchtigen redere: Joachim van Pentze, Ludeke Hane vnde JLUÖCfce iHoltjatt. Vnde wy Wedege van godes vnde des stöls to Home gnäden bisschopp to Hauelberge hebben dit, alse bäuenschreuen steyt, annämet vör vns vnde vnse stichte van worden to worden vnde annämen dat iegenwardigen in macht desses breffes, to örkunde

311

met vnsenie anhangeden ingesegel witliken vorsegelt,

geuen alse bäuenscreuen steyt.