In godes nämen Amen. Alle mynsklike dinck, de dar scheen in der tydt, dhe vorgän mydt der tidt, id sy dat me se befestige midt segelden breuen vnde er- werdighen tüghen. Hirvmme bekenne wy &cfjtltt vnde fbiOtfot brödere ghenömet de Ütoltjatt mar- schalke der heren van Stettin, wänaftich tho deme Wolde, vor all den ienen, de dessen bref seen edder hören lezen, dat wy hebben vorkofft deme er- werdighen heren hern Kersten Langhen, präweste tho deme Brode, vnde deme gantzen capittele där suluest vnde all eren nakömelinghen veftich mark vinkenöghen penninghe pacht, de wy hebben tho Weytyn vppe den menen büren van demme Imuelandc alle iäre in sunte Michaelis daghe vpthobörende. Hyr [vör] hefft vns de vörbenömede here präwest ghegeuen vnde tho der nüghe wol betält vifhundert marck vinkenöghen an giulen ghen- gen vnde gheuen pennynghen, de wy vort khert hebben an vnse vnde vnser eruen nuth vnde vrämen. Desse

285

vörbenömeden vefftich mark scholen de büre tho Weytin gheuen deme vörbenömeden heren edder capitele alle iäre in sunte Michaelis daghe sunder vortoch; worde deme vörbenömeden heren präweste effte capittele där bräke anne, dat wil wy em vorbiiten. Ock möghen se desse vörbenömede pacht panden vtb deme gantzen dorpe van den meynenbüren, vnde ys en des nöt vnde behxiff, so wille wy edder vnse eruen em helpen pan den, wenne se vns där tho eeschen. Wert ök dat wy desse vefftich marck pacht wolden wedderköpen, so schole wy edder vnse eruen deme heren präweste edder synen nakömelinghen tho vören thosegghen tuschen Pinxsten vnde Paschen vnde gheuen em edder synen nakömelinghen denne in deme negesten sunte Martens daghe denne dar na an eme summen vnde to eyner tydt in deme klöster tho deme Brode edder tho Nigen- brandenborch, wörth deme präweste euenst kummet, v!ffhundert marck, vnde desse breff schal nicht lösz wesen, desse vörbenömede summe szy to der nöghe wol bereth. Alle dessze vörscreuen stucke vnde eyn islick by sick läue wy glcfHItt vnde JUiÖefte brödere vörbenömet myt vnsen rechten eruen deme heren prä weste to deme Brode vnde gantzen capittele, vortmer al dhen iennen, de dessen breff hebben mydt des prä- westes vnde capittels willen, in trüwen vnde steden, vasten löuen tho holdende, sunder iennigherleye arch edder böze [in]vindunghe, de desseme breff mochten hinderlick edder schedelick weszen. Hir an vnde äuer sint ghewesen tho thüge: er Johan Grote, kerckhere tho Nigenbrandenborch, her Nicolaus Langhe, vicärius dar- suluest, Hermen Hagheman, Peter Schulte, rädlude tho Nigenbrandenborch, vnde yele ßrwerdigher lüde, de tho

286

tüghen löuen vast szynt. Tho gröterme löuen vnde bo-

knntiiis.se so hebbe wy Jctcfjttlt vnde JLufeftC brödere

vörbenömet vnse inghesegel henghet myt witschop vnde

willen an dessen breff, de geuen vnde screuen is tho

Nigenbrandenborch na der bört Christi M° CCCC° LXI,

in sunte Vites daghe des hilgen mertelers.

Nach Abschriften aus dem 16. Jahrhundert im grossherzogl. Geh. u. H. Archive zu Schwerin. — Vgl. Urk. vom 22. Julii 1519.