Vör alle den ienen, de dessen bref zeen edder hören lesen, bekenne ik Hinrik Drake wönaftich to Borchuelde, dat ik myt mynen rechten eruen van rechter witliker schult schuldich bin deme duchtegen manne 3UtÜ£¥t£ J$tOU$&tt£ wönaftich to deme Wolde vnde sinen rechten eruen vnde alle den ienen, de dessen bref hebben myt syneme edder syner eruen willen, hundert mark vinkenögen ghüder wytten penninghe vnde schillinghere, also nä to Rostok vnde Gustrowe ghenghe vnde gheue synt, dar vöre hebbe ik em ghesettet vnde sette in der craft desses breues in dem dorpe to Borchuelde dre hüuen, alse hir na screuen steyt, alse Clawes Stauenhaghens hof myt twen hüuen vnde eyne hüue an myme höue: desse vörbescreuenen hüuen vnde hof de schal HtlÖCftC iH0lt}3tt vörbenömet vnde syne eruen hebben to eyneme hrukelken pande myt richte vnde myt dinste, myt deme höghesten vnde myt deme sydesten vnde myt alleme herenrechte, also de hof vnde hüuen ligghen in alle erer Schede, id zi in desser scrift benömet edder nicht, vnde ik Hinrik Drake edder myne eruen scholen Hlt« Htfot iüOltjatle edder sinen eruen desses vörbenömeden ghüdes eyne were wesen vör alle anspräke, also eyn lantrecht ys, vör alle de ienen, de vör recht kämen willen, recht geuen vnde nemen willen, wo dicke vnde väkene des nöt vnde behuf ys. Wßre ök öuer dat ik

17*

260

Hinrik Drake vörbenömet edder myne eruen desset vör- benömet ghüt vorköpen edder vorsetten wolde eyneme anderen, so schal tJLu&CftC iHoItjatt edder sine eruen köpes edder pandes neghest wesen, vnde wen ik Hin rik Drake edder myne eruen dyt vörbenömede ghut wedder lösen wil, so schal ik edder myne eruen jLu* DsftC fHoItjalie edder synen eruen tosegghen in den ver hilghen daghen to Paschen vnde berßden denne in sunte [Viertens daghe em syn ghelt in ghüden, reden, vnbewuren, Witten penninghen vnde twelinghen, de denne to der tid ghenghe vnde gheue synt, vnde dyt ghelt to beredende to deme Wolde edder vppe eyner anderen leghelken stede in deme lande to Wenden, wör äUttefte iütOltjatte edder synen eruen de beredinghe euenst ys. Alle desse vörscreuenen stucke vnde articule vnde eyn iewelik bi sik Knie ik Hinrik Drake myt mynen eruen üUlOtfU JBOltjatte vörbenömet vnde sinen rechten eruen stede vnde vaste to holdende sunder alle arech. To tüghe vnde gröterme löuen so hebbe ik Hinrik Drake vörbenömet myn ingheseghel myt wit- scop vnde myt willen henghet vör dessen öpenen bref, de gheuen vnde screuen is to Pentzelin na godes bört vertegenhundert iäre dar na in deme achte vnde vefteghesten iäre, des dinsdaghes vör Palmen. Hir an vnde öuer sint gheweset Clawes vnde Ghereke vedderen heten Bardenulete vnde myn veddere Henning Drake to Molne vnde vele mer erliker lüde, de löuen vnde ere wert synt.