Wii Johan vnde Hinrick, fedderen, to Stargarde, Hinrick vnde Johan, brödere, to Zwerin, von godes gnäden alle hertogen to Mecklenborgh, forsten to Wen den :c., bekennen vnde betügen vör vns, vnse eruen vnde nakömelinge, dat wii vns vp dissen hütigen dagh zäintliken wol vordregen vnde eyn geworden alhiir to Plawe na räde vnses trüwen rädes alse von weg in

des landes to Wenden, dat vns allen- angefallen vnde angestoruen ys na döde vnses liuen fedderen Wil- helmus von Wenden seligen dechtnisses in disser na- screuen wiese: Tome erstell alz wii Hiniick vnde Johan brödere sundergen de möle to Plawe koft hedden van deme abbate vnde conuentu tume Campe so vör eynem benömeden summen penninge na vtwisinge der bese- gelden briue, die dar vp syn, de suluen malen hebben wii vnsen vörscreuen fedderen halff gegund vnde läten, läten vnde ghunnen to eghendöme, wenne sie vns die helfte des summen geldes quitet vnde entfryet hebben, dar vnse urbare to Bibbenitze vör steyt, so scalen sie der helfte brüken vnde hebben like vnser helfte. Ock so Scalen wii erbenömede heren alle aller güdere sämp- liken reddelken to like brüken, brüken vnde hebben an vnseme erscreuen lande to Wenden, de wii dar inne quid vnde los hebben; vnde were öck dat vns gud stä- dede to köpe, efte wes wör vthstonde to lösende, de Scalen wii sämptliken köpen efte lösen vnde des eli- drechtliken, reddelken vnde to like bruken to liken hö- uedlüden. Were ök säke dat eyn deel vnser vörscreuen heren sodane güd efte pande, de an vnser herscopp to Wenden vthestän, nicht köpen edder lösen wolden noch konden, so mach dat andere deel de köpen vnde lösen vnde der aHeyne brüken, so lange dat dat andere del syn antäl geldes, de bewislik ys, dar yt mede koft efte löset ys, deme anderen dele wedder nögaftigen wol be- tält vnde bereth ys, vnde wenne denne van beyden deylen dat also gesehen ys, so Scalen sodane kup vnde lösingen vns allen to güde kömen, alse vörscreuen ys. Vortmer so scalen alle gerichte, tollen, bräke, geleyde vnde alle nud, yt sii wat yt sii, nichtes vtgenömen

annne lande to Wenden vns allen öck to gi'ule vnde to brükafticheyt kömen vnde vnser eyn de scal des an deren besten dar anne rämen, in wat örd landes dat yd veld ofte fallende ward, in gnden trüwen, vnde wat vnser eyn an des anderen besten där anne deyt ofte rämed, dat Scalen vnde wil wii alle volkömelken by macht beholden. Vortmer eft dar ghestelke leene lös worden edder vellen amme lande to Wenden, so Scalen eyn deel vnser vörscreuen heren twe leene leenen vnde denne dat andere del twe lene lenen, de oldesten erst, de iungesten där negest. Ock so scalen vnde wil wii drscreuen heren alle ßndrechtliken frede holden van wegen des landes to Wenden. Were öck dat yt sick so mäkede vnde vns so gelegen worde von des landes to Wenden wegen, dat wii veyde ofte krich där af kre- gen, dar Scalen wii samptliken inne wesen vnde bliuen, so lange wii des ende mögen krigen. Ock wör wii slote to sämmende hebben amme lande to Wenden, där Scalen wii slotlöuen tosämmende holden vnde dar anne sitten, alz wii vnder eyn ander där to to den hilgen swären hebben. Weret öck sake dat god vorbiede, dat wii böuenscreuen fedderen vnderlangk wör anne schßl- aftich worden edder to vnwillen quemen, so scalen vnde wil wii vnderlanck legelke steden vorscriuen vnde bynnen virteyn dagen iegen andere to dagen kömen, so scalen vnser beyder räed vns den yt schßlende an frund- scopp efte rechte vorscheden efte entwey setten, vnde de scalen des gentzelken öuer vns mechtich wesen vnde nicht van sick städen. Hiir an vnde öuer syn geweset: vnse liuen getrüwen rädgeuere, nemelken her Hinrick Cran, prauest to Fredelande, her Helmold van Plessen, her Mathias Axcowe, riddere, Mauricius Vlo

towe, Henningk Warborgh, Otto Veiegge, Clawes t'fy- neke, CMvtCfc iütOltjaU, Clawes van Redickstorpe, Hinrick vnde Henneke van Plesse, Reymar van Plesse, Ludeke Haue vnde vele mer vnser rede, eren vnde löuen werdich. Des to tilge vnde gröter bekantnisse hebben wii erscreuen heren samptliken mid widscopp vnde güden willen vnse ingesegele hengen hüten bened eien an dissen briff, de geuen vnde screuen ys to Plawe na godes gebört virteynhundert achtevndedruttich iär, amnie dinstedage nha sunte Andreas dage des hilgen aposteles etc.