Wy Erich von gades gnaden tho Stettin, der Pa- mern, der Wenden vnd der Cassuben hertoge vnd forste tho Ruigen bekennen äpenbär vor alleswehme in dussem vnsem breue, so vnse leue bröder her Wartisslaff tho Stettin, der Pamern etc. hertoch vnd furst tho Ruigen vnd wy Erick vörbenömet in korten tyden vorgangen tho der Horst in vnsem lande hebben gedinget tuschen den erbärn, duchtigen, ersämen vnd wisen Henning, Raven vnd Hanse, alle brödere, genömet de Bernekowen, ahn dem einen dele, vnd Aszmusz Stenwege vnd Roloff Moller, borgermeistere thöm Stralsundt, van wegen sick suluest, öck van wegen der anderen borgermeisteren, rädtmannen vnd gantzen gemeine thom Stralsundt, van dem andern dele, der sacken vullenkämene macht hedden, alse van Raven Barnekowen sehligen, der ehrbenömeden Barnekowen väder, de ehn van den vam Stralsundt aft- gemordet wardt, vnd de bävenschreuen beide parte vmb etlike stucke vnd articule entweige stunden, darvmb wy einen andern dach tuschen ehn vp hüden datum desses breues tho der Kemenitz in vnsem lande tho Wolgast belegen mäkeden, dar wy Erick hertoge vörbenömet mit vnsen leuen getruwen rederen hir nedden geschreuen

362

beide parth, alse Henning, Ha von vnd Hansz, in by- wesen ehres bröders Jertzlaf Barnekowen, ök Aszmusz Steenwech vnd Roloff Moller, vollmechtigere alse bä- ven schreuen isz, vnd de beiden ehrgenante parth alle schule, veiede vnd vnwillen, van Kaveri Barnekowen vthgesprälhen, deszhaluen twiszken ehn lange tidt ge wesen isz, hebben wy Erick vör,benömet vth beider parth mundt, willen vnd weihen gedegedinget, Vor schulen vnd allen vnwillen vnd schfilinge wech gelecht vnd in güdicheit se wol genzliken vorilrägen, so hier nah geschreuen steith. Item to dem ersten: de vam Stralsundt vörbenömet scholen by sick beholden geist- licke vnd werrltlicke hern Kaven Barnekowen haluen. Item wy here Erick hertoch ehrbenömet scholen im nahmen der vam Stralsundt thöm Gripeswoldt de bahre vör dem sundischen döre bedecken mit der vniuersitet presteren van beiden parten, dartho mit etliken pre lsten, mannen vnd stedten, ahn bywesende etlicker des rädes vam Stralsunde, vnd in de kerke sunte Ni colaus bringen suluest soszhunderste tho vier seelmissen to offerende, vnd vp de bahre geuen twehundert gulden rincsk. Item de vam Stralsundt scholen de Barnekowen benehmen aller sacke, idt sy röff, mordt edder brandt, de in den kriegeslufften von den Barnekowen ehrer ein edder van den ehren ahn geistlicken edder werdtlicken persohnen edder giidern bescheen isz in vnsen heren Erichen vnd hern Wartislafen hertogen landen vnde ock ahn den vnsen. Item dessen ende vnhinderlich so mö gen de ßarnekowen edder der ein van den vam Stral sundt ehre penningschuldt mahnen, de se tho ehren borgeren hebben. Item so scholen de vam Stralsundt de Bernekowen, ehre eruen edder de ehren vmme nene

363

säcke, idt sy mordt, ruff, brandt, penningschulde edder what idt sin mochte, mehr gripeii edder richten, men se scholen se vor ehre landesfursten mit ehn an recht nogen läthen. Item alle, de vmme der Barnekowen willen sindt tho der veide edder vnwillen kahmen, scholen mede ahn den frede getägen sin. Item wy Erick her- toge ehrbenömet willen ein stenen crütze setten vp de stede, dar Raven Barnekow vp gedödet wardt, vnd dith schal in der vam Stralsundt bescherminge vnd leide tho ewigen tyden wesen. Item de Barnekowen scholen Gutzkow innen hehben in aller mäthe, alse idt |ßtlt* Vitfo iHoItjan heft nah inholdt vnses breues. Item vör kost, schäden vnd theringe schole wy Erick hertoge den Barnekowen ehrbenömet van wegen der vam Stral sundt geuen drey düsendt gulden rinisch, de Ersten du- sendt vp Jacob!, de andern dusendt vp Michaelis am söventigisten iähre vnd dath drudde dftsendt vp Pasken negestvolgendt, sunder der Barnekowen hinder vnd schäden. Item wehret dath vnsz heren Erick wellich mögelick lehengüdt lössturve, dath schole wy den Barnekowen Iighen, vnsz dnrvan tho dönde reddelicken dunste. Item vp sulckes hebben de Barnekowen alle veiede affgesecht. Dess tho vhrkundt vnd tüchenisse der wärheit hebben wy Erick hertoge vnd forste vörbe- nömet vnse ins£gele mit willen vnd weihen läten hangen vör dessen breue, de gegeuen isz thör Kemnitze nah der gebohrt vnses heren Christi XIIIIC. vnd ahm söven tigisten iahre, am ävende der hilligen jungfruwen sunte Margarethen. Hir an vnd äver sindt gewesen de ehren- werdigen, erbären vnd wolduchtigen heren: Johannes, abbet tho der Eldena, magister Nicolaus Damitz, cantzeler, M. Bartholdus Holste, kerkhere tho Wolgast,

Henning Owstin, Hans Krackevitz vnd Tidtke Balke,

vnse getrüwen leuen rederen.