CXXXVII.

Johann, König von Böhmen, entscheidet den Streit der Stadt Görlitz und der Vasallen über des Landvogts und des Erbvogts Gerichtsbarkeit.

22. Mai 1329.

Aus der, vom Originale genommenen Abschrift, in der Sammlung der Oberlaus. Geselltch.

der Wissensch.

In Gotes Namen amen. "Wir, Johans, von Gótes Genaden ChunigzeBeheim und ze Polan und Graf ze Luceraburcb, tun chunt allen den, die nu sint und noch werden sullen, daz ez als verre quam, d&z unser üben Getrewen, die Burger der Stadt ze Gorlicz und die Man, die wir da selbest uf dem Lande haben, vor uns sich umb ein Recht zweyten also, daz die Burger an ainem Tail, die Lantleut an dem andern eins Kriges warn. Daz aber des selben Kriges oder Irr- sal under in beiderseit furbaz ichtNot geschech, des gab wir inmitwolverdahtem guten Rat ein sulch Recht, als hie verschriben ist, daz si furbaz ewiclichen hal- den sullen. Ez behielten ouch die vorgenanten unser Man vor uns mit ¡rem Eyd, daz sie mit dem selben Recht von Aider bis an uns komen weren, von erst, wer daz ein Burger Schult gebe einem Ritter oder einem rittermezzigen Manne, welcherlëy oder umb welch Sache daz were, der Schuldig sol antwurten vor

*) S. oben S. 213 ff.

Urkundenbuch. 529

unserm Voyt in unserm Hof ze Gorlicz, oder wo der Voyt in der Stat daz Gericht seczet. Darnach, ob ein Burger beclagen wolt eines Ritter oder rittermezzigs Lehenroan oder seinen Brotezzen, daz sol er tun vor dem Voyt, als vor geschriben stet. Dar nach, ob ein Burger beclagen wolde derselben unserer Man Gepowren, ist daz der selbe Gepowr chumpt in die Stat oder in der Stat Gericht, der sol ant- wurten in der Stat vor dem Erberichter und vor den vier Benken, da der Stat Schepfen siezen und sol ir Urteyl leiden. Wer awer, daz er in die Stat nicht quem, oder dar inne nicht begriffen würde, so sol man ez unserm Voyt clagen, der sol im lazzen gepieten, daz er fur daz Gericht kom in die Stat, da der Erbe richter und die Gesworn siezent, und da sol man von im Rechtes helfen. Dar nach, ob daz were, daz in der Stat, oder als verre der Stat Gerichte get, einen Ritter, oder ein rittermezzig Man, oder key пег irer Lehenmanne, oderirer Brot- ezze ein Unfug, oder ein Ungericht tet, ez wer groz oder dein, wurd er begrif fen mit hantheftiger Tot, so sol er antwurten in der Stat vor unserm Voyt und vor unserm Erberichter und sol der Gesworn Urteyl leiden. Wer aber, daz der selbe en wek quem, der da beschuldigt wurde, so sol man ez clagen unserm Voyt, der sol zu im Rechtes helfen in der Stat ze Gorlicz, wo er daz Gerichte siezet '). Dar nach sol Nieman keynen Kretzem haben in eyner Meyl na der Stat, noch keynerley Hantwerkman sol da siezen, sunder einAltpuzzer aider Schuche und ein Smyt, der Pflugeysen scherphet a). Under den vorgenanten Sachen behalt wir unser Recht unde Buez, die wir haben an unsern Gerichten, als ez von Aider an uns komen ist. Und des ze einem offenne Urchund geben wir disen Brief, mit unserm Insigel versigelt. Daz ist geschehen ze Budyssin, da man zalt von Cristes Gepurd dreutzehenhundert Jar dar nach in dem neun und zwinzigistem Jar, an dem Mantag nach dem Sunetag Cantate domino.