«XII.

Wolmar Rantzow verkauft seinen Antheil an dem Lankersee und der Aal« wehre dem Kloster. 1. Mai 1436.

Wytlik zy allen Luden, de dessen Breff zeen edder hören lezen, dar ik Wolmar Rantzowe, Knape, Her Hartiches Son, myd mynen rechten Erven bekenne unde vetu- ghe openbare in dessem yeghenwardighen Breve, dar ik myd mynem eghenen vryen Willen unde wolberadenem Mode, na Rade myner Wrund, myd Willen unde Vulborde myner rechten Erven, myd Ghunst unde Vulborde mynes gnedighen Heren, Hern Al- ves, Hertoghen to Sleßwyk, Greven to Holsten, to Stormeren unde to Schowenborch, unde myd Willen unde Vulborde alle der ghennen, der ik eren Willen unde Vulbord darto esschen unde Hebben scholde, hebbe vorcoft unde vorlaten rechtliken unde redeliken, vorcope unde vorlate yeghenwardich in Craft desses Breves, to eneme ewighen, steden, vasten Erftope, den erliken, gheistliken Luden, Hern Thomase Proveste, Vor Eyben Priorne unde deme gantzen Convente des Closters to Poretze, des Orden sunt« Rene- in deme Stichte to Lubeke beleghen, unde allen eren Nacomelinghen vor vyff- hundert lubesche Mark Penninghe, de ze my alrede an gudeme lubeschen unde vynsten Gholde to Dancke unde ghans to der Noghe wol bereth unde beralet Hebben, de ik vort an myne unde an myner Erven Nuth unde Vromen degher unde al ghekeret hebbe, dar Twedeel in deme Lankerzee, anders ghenomet de Osterzee, myd den dren Delen an deme Alwere to deme veerden Deels, bat ze alrede to Eghendome Hebben unde bezitten in deme zulven Alwere, dar neddene vor deme sulven Lankerzee, boven deme Kerkzee, in deme Kerspele unde by deme Dorpe to Poretze beleghen is, to heb- bende, to beholdende, to brukende, to bezittende, to vorcopende, to vorbutende, an andere Gud edder Gudere to wandelende unde dar mede to donde unde to latende to ewighen Tyden, war ze willen, alse myd creme eghenen, quiten, vryen, unbekumerden Gude, myd aller Rechticheid unde Rechticheiden, myd aller Tobehoringhe, aller Vrucht unde Nuth der Grund unde des Waters, myd Visschen, Visscherien, myd Watere unde allend dar ynne is, alse desse Twedeel des Lankerzees mid den dren Delen des Alweres, vorbenomed, beleghen is in allen Enden unde Scheden, unde allend, wes daraff comen kann unde mach, myd alleme Rechte unde Richte, hoghest, middelst unde zydest, in Hand unde in Hals, quiith unde vryg in allen Scheden, alse my unde mynen Erven desse Twedeel in deme Lankerzee myd den dren Delen in deme Alwere, vorbenomed, unde myd aller vorscreven Tobehoringhe ye quitest unde vryest ghebord Heft, my unde mynen Erven dar altes nicht ane to beholdende, uthghenomen dat ik mach unde myne Erven moghen uppe dessen vorbenomeden twen Delen des Lankerzees visschen unde vis schen laten myd eneme Canen unde myd Smaeltowe to des Hoves to Kurne Behoef

30 l

to also langher Tyd, alse ik edder myne Erven dessen Hof to Kurne zulven to Eghen« dome Hebben in den Weren. Unde weret Zake, dar ik edder myne Erven den Hof to Kurne vorbenomend vorcofften, vorbutheden edder vorgheven, an welker Mate dar id ' scheghe: so schal denne van Stunden an alle vorbenomede Wisscherye in den vorscreve« nen twen Delen des Lanker Zees myd aller vorscreven Tobehoringhe gans unde alto male to deme Proveste, Pryorne unde to deme gantzen Convente des vorbenomeden Closters to Poretze und alle eren Nacomelinghen comen unde an ze »allen myd aller vorscreven Tobehoringhe, to ewighen Tyden dar by to blivende, sunder alle Wedder- sprake unde yenigherleye Jnholdinghe my unde mynen Erven unde ok nemende van my- ner unde myner Erven weghen dar wes ane to beholdende, unde ik en kan edder en mach edder myne Erven en conen edder en moghen hir en boven an dessen twen Delen des Lanker Zees unde an den dren Delen des Alweres vorbenomed nemande wes vor- copen edder warende wesen, sunder deme Proveste, Priorne unde gantzen Convente to Poretze und alle eren Nacomelinghen vorgheroret. Unde ik Wolmer Rantzow vorbeno med myd mynen rechten Erven schal unde wil deme Proveste, Priorne unde dem gantzen Convente to Poretze vorbenomed und alle eren Nacomelinghen desse Twedeel in deme Lankerzee mid den dren Delen in deme Alwere, vorbenomet, ein quid, vrygh, unbe° cumert Gud warende wesen van aller Ansprake enes isliken, alse in deme Lande to Holsten Recht is. Jodoch so mach de Provest edder de Borstender des Closters to Poretze den vorbenomeden Lankerzee nicht hoghcr myd Stowinghe holden, alse wontlik unde redelik is, also dar van der Stowinghe weghene de Mole unde Wissche to Kurne unbeschedighet bliven. Alle desse vorscreven Stucke unde Zake unde enen isliken Artikel besunderghen love ik Wolmer Rantzowe vorbenomed, Zakeweldeghe Hovetman, myd mynen rechten Erven unde mid mynen truwen Medeloveren, alse mid Hartiche unde mid Strusen Rantzowen, Knapen, mynen leven Broderen, unde myd eren rechten Er ven. Unde wy Hartich unde Struve Rantzowe, Brodere erbenomed, mid unsen rechten Erven loven myd Wolmere Rantzowen, unseme leven Brodere, unde myd zinen rechten Erven, alle to liken Hovetluden, den vorbenomeden gheistliken Luden, Her Thomase Proveste, Vor Eyben Pryorne unde deme gantzen Convente to Poretze und alle eren Nacomelinghen in guden Truwen, loven stede unde vast, zunder alle List unde zunder alle Arch unde myd ener zameden Hand, wol to holdende unde gheven over alle Hul- perede aller Artikels, alles gheistliken unde werldliken Rechtes, alse oft in desseme Breve edder an besten vorstrevenen Cope ichteswes vorsumet edder vorgheten were, dat schal uns unde unsen Erven to nenen Wromen unde deme Proveste, der Priorne unde gantzen Convente, vorbenomed, unde allen eren Nacomelinghen to nenen Schaden comen, unde loven »ort to erer und alle erer Nacomelinghe truwen Hand alle den jenen, de dessen Breff Hebben myd creme Willen, gheistliken edder werldliken Personen, alle vor-

302

screvene Artikels wol to holdende lyk der Wise unde in aller Mate, alse oft desse Breff en allen unde enem isliken bezundern by creme eghenen Namen were togescreven van Wörde to Worden, zunder yenegherleye Jnholdinghe. Des to ener ewyghen Tuchnisse hebbe ik Wolmer Rantzowe, vorbenomede zakewoldighe Hovetman, vor my unde myne rechten Erven myn eghene Jngheseghel, unde wy Hartich unde Struve Rantzowe, ok erghenomet, vor uns unde unse rechten Erven ein islik zyn eghene Jnghezeghel zulven heten henghen mit Willen unde Witschov vor dessen openen Breff, de gheven unde scre- ven is na der Bord Christi, unsts Heren, veerteynhundert Jare, dar na in deme vi- veundedruttighesten Jare, in sunte Philipp! unde Jacobi, der hillighen Apostele, Daghe.