LXXVIII.

aSertolb SSarèbefe »erfauft fein $orf SSerftyorft bem Äiofter tfrenêbô! fûr 1200 M 1456, Шаt) 31.

(F. �?63, JVo. 62 J

Ick Berteld Barssbeke, wanhafftich tho Glasow, Eler Barsbeken zeeliger dech- tenisse, wanner wanafftich darsulves, soene, knape, bekenne unde betuge apenbare in desseme breve vor alle den jennen, de ene seen edder horen lesen, dat ick mit willen unde wolberadenem moede, mit willen unde vulborde myner erven unde neghesten, unde besunderenn mines gnedigen heren, hern Alves, hertogen tho Sleswick unde Greven tho Holsten, Stormeren unde Schowenborch, unde alle der jennen, der my erer vulbord dartho nod unde behoff was, hebbe redeliken unde rechtliken vorkofft unde uppelaten. unde jegenwardigen vorkope unde uppelate mit macht desses breves, tho enem ewygen unde steden erffkope, deme erwerdigen in Gade vadere unde heren Gregorio Priori tho der Arnessboken unde deme gantzen Convente darsulves, Carthusers ordens, nu jegen- wardich unde thokamende unde ereme orden, vor twelff hundert marke lubesscher pen- ninge, de my de vorschreven her Gregorius in gudeme golde unde graveme sulvergelde, tho Lubeke genge unde geve, tho gantzer noeghe wol bethaled hefft, dede ock in myne unde myner erven merklyke nutticheyde witlyken gekamen sind unde gekered, myn gantze dorpp Berkhorst myt aller thobehoringe, alse mit ackeren buwed unde ungebu- wed, mit wysschen, weyden, holten, broken, moren, heyden, masten, stouwyngen, pachte, denste unde denstgelde, mit aller nutticheyt, rechticheit, herlicheid, mit allem rechte unde gerichten, oversten, myddelsten unde sydesten, in hals unde hand, unde slichtes mit alleme egendome. uppkomen, brukinge unde aller vrygheit, alse datsulve dorp Berk horst vorbenomed in allen synen enden, veldmarcken unde schedingen alder vrygest belegen unde begrepen iss, bewegelick unde unbewegelick, unde besunderen so qwyd unde vry, alse min zelige vader Eler Barssbeke vorbenomed vor, unde ick Berteld na, unde unse vorvaren datsulve dorp Berkhorst mit sinen thobehoringen, benomed unde unbenomed, ye vryest hehben gehatt unde beseten, effte mochten hebben gehad unde beseten, nichtes dar buten tho beschedende. Dit vorbenomet dorpp Berkhorst mit allen synen scheden ergerored, mit allen thobehoringen alse vorbenomed sint, schal ick Ber teld Barsbeke unde will, unde myne erven schollen unde willen, den vorbenomeden heren Gregorio Priori thor Arensboken unde gantzem Convente darsulves, unde allen eren nakomelyngen rechte warende wesen unde vrygen en dat van aller ansprake enes jewelken, so vakene en des wert tho donde, unde jegenwardigen ware unde vryge, up mine unde miner erven egene koste unde arbeyde, sunder alle lyst, behelpinge effte

103

hulperede. Unde hebbe darumme vor my unde mine erven deme vorschreven heren Priori unde gantzen convente thor Arnesboken merbenomed vorlaten unde jegenwardigen vorlate dat dorpp Berckhorst in syner scheede mit allem eyendome unde thobehoringen, alse ergerored synd, in jegenwardicheit mynes gnedigen heren, heren Alves, hertogen tho Slesvick unde Greven tho Holsten etc. Dar ane unde aver weren de erlyken unde vorsichtigen Gerhardus Cancellarius, Joachym Kuren unde Detleff Gronewold, amptman unde vogett nu thor tidt tho Segeberge dessulven mynes gnedigen heren. Unde hebbe desulven van der Arnesboken vortmer dar uppe vored unde setted, vore unde sette se vor my unde myne erven in krafTt desses breves, yn de hebbenden were unde vredesame besittinge des vakenomeden dorpes Berckhorst mit alle syner thobehoringe, alse vorbe- nomed is. Unde vorthyge unde vorlate vor my unde myne erven allen eghendome unde alle recht, dat ick darinne gehad hebbe wente in dessen gegenwardigen dach, effte dat ick edder myne erven yennigerwyss darynne hebben mochten nu unde yn thoko- menden tyden. Alle desse vorschreven stucke unde artikele samentlyken unde besun- deren lave ick Bertold Barsbeke, erbenomed hovetman. vor my unde myne erven den vorschrevenen heren Priori unde gantzem Convente des closters thor Arnesboken yn guden truwen unde geloven stede unde unvorbraken sunder alle arch wol unde vast tho holdende. Unde love vort vor my unde myne erven tho erer truwen hand dit sulve alle den jennen. de dessen breff hebben mit erem willen. Unde hebbe des tho groterer tuchenisse myn ingesegel witlyken hengen laten an dessen breff, de gegeven iss int Jare na der bord Christi dusend veerhundert sos unde vofftich, des negesten mandages na den achtedagen des hilligen Lychammes unses leven heren.