XXXVII.

©rof fîtto »on |)oíftem ic confirmirt ben SSerfauf beê iDorfeê 9leuen= (фюофet bem SSromolb SBarenborf, ber eè fur 600 Wtaxî »on ф�?тё unb $eteг ». £ifen&ufen gefouft ï)atte. &a|burg 1400, October 9.

(F. 121, !¡Vo �?е.)

In Gades namen Amen. Wy Otto van dersulven gnade Greve tho Holsten, Stormeren unde tho Schowenborch, al den gennen, de dessen breff seen effle horen lesen, heil an Gade, bekennet apenbar in desser schrifft, dat vor uns hebben gewesen Hans unde Peter, gebeten van Tyzenhusen, her Bartholomaeus Sone, unde bekanden vor uns unde unsem Rade apenbare, dat se mit willen unde wolberaden mode erer unde erer erven hebben vorkoft unde vorkofften, unde uplaten unde vorleten vor uns deme erliken manne Vromolde Warendorpe, Hermen Warendorpes sone, wandages borgere tho Lubeke, vor sos hundert marck lubesscher penninge, de en, alse se be kanden vor uns, wol tho erer noghe keret unde bethalet sin, ere gantze dorpe tho Nyenswogele, belegen in deme kerspele tho der Arnsboken in deme stichte tho Lubeke, also dat sulve dorpe in synen scheden gelegen ist, mit ackere buwett unde ungebuweth, wiske, weyde, holt, watere, watersloep, hoge unde zyde, droge unde nat, vrucht, renthe, hure, mit allem rechte unde richte, overst, middelst unde zydest, unde mit alle siner thobehoringe, nicht dar en buten thobeschedende unde sick dar nichtes anne tho be neldende jennigerleyewyss, also dat desulve Vromolde dessulven gudes unde dorpes, also vorschreven ist, mit alle siner thobehoringe bruken, hebben unde besitten schal unde mach, also idt desulve vorkopere, unde ere vadere vor je vriest hadde unde besethen hebben, unde mach datsulve Dorp unde gudt mit alle siner vorschreven tho behoringe vorkopen, vorsetten, vorgeven in geistlick eftte in werlick achte, unde dar mede doen, also en beheglick ist, sunder jemandes vulbord dar tho thoesschende, also de breve der vorschreven Johannis unde Peters van Tyzenhusen, de up dessen kop geven unde besegelt sin, uthwysen unde inneholden. Des hebbe wy dor bede willen der vorschreven Vorkopere, na Rade unser truwen Rathgevere, dessen vorschreven Kop stediget unde vulbordet, unde steden, vesten unde vulborden an desser schriffl. Jodoch so heft desulve Vromold Warendorp dorch sunderliker Frundschop willen, mit gudem willen avergeven unde gunth, dat Ludeke Boekwoldt unde sine brodere, hern Hinrikes Soene, unde ere erven, wanne unde efft se willen, edder wy unde unse Erven, wan se nicht enweren, tho ewigen tiden mogen dat vorschreven Dorp unde Gudt van deme vorbenomeden Vromolde, edder we dat na eme hefft edder besyttet, wedderkopen umme de vorschreven Summen penninge sos hundert marcke lubisch, binnen Lubeke tho bethalende mit pen

48

ningen, de denne tho Lubeke genge unde geve sind, unde mit so vele renthe, also dar uth boren mach, unde ock Grevenschatt tho gevende, lyck deme lande tho Holsten, wan dat land tho Holsten Grevenschatt gifft, unde deme Lande thovolgende lyck tho des landes nod, den wedderkop ein halff Jar vor thoseggennde Vromolde edder we dat gudt heft unde besitt. Unde des tho betuchenisse so hebbe wy unse Ingesegele vor dessen breff gehengett laten, £dede) gegeven unde geschreven iss tho der Hatesborch in den Jaren Gades Dusent Veerhundert, in Sancti Dionysii Dage.