CXI.

©фт&еп beê Garbinalè 3fatt)munb betreffenb bic bet 2íbfoíutton

Ьиrф einen ©telfoertteter beê abwefenben priora, Hbet 1503» líptii 28.

CF. 24?, 2, No. Г4.)

Raymundus, miseratione divina sacrosanctae Romanae Ecclesiae et sanctae Mariae novae Presbyter Cardinalis Bureen., ad universam Germaniam, Datiam, Suetiam, Norwegiam, Frisiam, Prussiam omnesque et singulas illarum provincias, terras et loca, etiam sacro Romano Imperio in ipsa Germania subjecta ac eis adjacentia apostolicae sedis de latere Legatus, dilectis nobis in Christo Priori et Conventui Monasterii Templi Beatae Mariae, alias in Arnsboken, ordinis Carthusiensium, lnbecensis dioecesis, salutem in Domino. Religionis zelus vitaeque ac morum honestas aliaque laudabilia probitatis et virtutum merita, super quibus apud nos fidedigno commendamini testimonio, nos in- ducunt, ut vos specialibus favoribus et gratiis prosequamur. Exhibita siquidem nobis nuper pro parte vestra petitio continebat, quod dudum vobis Apostolica authoritate extitit concessum, quod fratres novellos pro tempore ad monasterium vestrum animo inibi regulariter vivendi et solitam professionem emittendi confluentes, si ob non solutionem aeris alieni contradi vel alias propter violentam in religiosam personam manuum inje- ctionem excommunicati fuerint, satisfactione debita praevia, per priorem absolvi ac tempore generalis interdicti in Ecclesia monasterii praedicti divina celebran possint; et sicut eadem subjungebat petitio, ne aliquando propter Prioris absentiam absolutio hujus- modi longius, quam expediat, remorari et suspendi possit, si vobis concederetur, quod iidem illaqueati per vicarium domus pro tempore vel de senioribus aliquem alium, per Conventum deputandum, absolvi possint, vestrae tranquillitati plurimum consuleretur. Ideo nobis humiliter supplicari fecistis, quatenus vobis in praemissis oportune consulere authoritate nostrae legationis mature dignaremur. Nos igitur, vestris devotis supplica- tionibus, grato assensu occurrere volentes, vobis, ut praefatus vicarius Priorem pro tem pore, necnon alius per conventum deputatus in absentia Prioris vicarium absolvere ve- strique monasterii recipiendi et recepti novitii et religiosi a censuris praedictis similiter absolvi ac eisdem temporibus, quibtis non obstante generali ordinario interdicto ex in dulto praedicto divina legi et celebrari consueverunt, dummodo vos causam interdicto non dederitis, ac aliis excommunicatis et interdictis exclusis, clausisque januis et non pulsatis campanis divina etiam officia decantari possint et valeant authoritate nostrae legationis, qua fungimur in hac parte, tenore praesentium de specialis dono gratiae indulgemus, non obstantibus constitutionibus et ordinationibus in sinodalibus et provincia- libus editis conciliis generalibus vel specialibus coeterisque contrariis quibuscunque. In

144

quorum fidem praesentes literas fieri nostrique sigilli jussimus appensione communiri. Datum Lubeck anno incarnationis dominicae millesimo quingentesimo tertio, quarto kal. May, pontificatus sanctissimi in Christo patris et Domini nostri, domini Alexandri, divina Providentia Papae sexti, anno undecimo. Pal. Sybolt.