L.

®raf фтпф unb ^erjogin (Sítfabetty conftrmiren ben öorfitetyenben äktfauf.

©egeberg 1408, Sío»ember 11.

(F. 74, No. 94.-)

In Gades namen Amen. Wy Hinrick, van dessulven gnaden Greve tho Holsten, Stormeren unde tho Schowenborch, unde wy Elizabeth, hertoginne tho Sleswick, Grevinne tho Holsten, Stormeren unde tho Schowenborch, alse vormundersche unser kindere, doen witlick alle den jennen, de dessen breff seen edder horen lesen, beide jegenwardigen unde thokamenden, unde bekennen unde betugen apenbare in desser schritt, dat in unser jegen- wardicheit heflt gewesen unse leve truwe man Hinrick Broektorp, Claweses Broektorpes soene, knape, besethen tho deme Steendorpe in deme karspele tho Uthin in deme stvchte tho Lu- beke, unde bekande apenbare vor uns unde unseme rade, dat he mit willen, vulborde unde wolberadenem mude sines unde siner Erven unde alle der gennen, der ere vulbort dar tho thoeschende was, redeliken unde rechtliken hadde vorkoft unde uppelaten, unde vorkofte unde uplethe vor uns unde unseme rade in desser schrifft deme Erlyken manne her Alberte Rodenborghe, Domheren tho Lubeke, unde den gennen, de dessen breff mit sinen willen hebben, se sin geistlick elle werlick, vor twe hundert mark lubes- scher penninge, de eme de sulve her Albert Rodenborch, alse he vor uns bekande, gantzliken bered unde bethalet hadde tho siner noghe mit reden thelleden lubesschen penningen, by eme entfangen, unde de he vort an syne unde syner erven nottrostige nut uthegeven unde keret hadde, alle syne hoeven, by achtehalven hoeven, unde alle sin ghut, belegen in unde tho deme dorpe tho Steenrode in deme karspele tho Gles- kendorpe, in deme vorschrevenen stichte tho Lubeke, dar thovorne uthgaen seestein mark geldes vor twe hundert mark lubesch, de her Simon Odeslo, rathman tho Lubeke, unde Hinrick Redingstorpes wedewe dar ane hebben, de sin vader Clawes Broktorp saliger dechtenisse by sineme levende ene daran vorkoft hadde, alse de breve, de dar up geschreven unde besegelt sint, inholden unde uthwisen, mit ackere buwet unde ungebuwet, rente, hure, vrucht, mit wisschen, wateren, broeken, weiden, worden, aller

leige holten unde kolingen, mit inwegen mide uthwegen unde allerleie vrigheit, egen- dome, richte unde rechte, alse in hals unde in bandt, middelst unde mynst. mit alle eren thobehoringen, alse dat sulve guet belegen is in sinen enden unde íandtscheden, eme unde sinen Erven dar nichtes an tho1 beholdende: also dat her Albert Roden- borgh vorschreven unde sine nakomelinge scholen unde mogen desses sulven guedes mit alle siner thobehoringe bruken, hebben unde besitten also vry als it Clawes sin vader vore unde he na synes anthales des sulven dorpes je vryest hadde unde beseten hebben, unde ock also vry, dat her Albert Rodenborgh vorbenomet mach dit sulve ghut, also dat deel desses vorbenomeden dorpes, vorkopen, vorgeven, vorsetten, vorpanden, weme dat he wil, geistliken efte wertliken personen, unde doen dar mede, alse idt eme behechelick ist, sunder Hinrikes vorschreven unde syner Erven offte unses edder unser Erven edder anders jemandes vulbort dar tho thoesschende. Unde wisen unde setten her Alberte vorschreven in de were unde besittinge dessulven guedes in desser schrifft. Ock schal unde wil Hinrick Broektorp vorschreven unde sine Erven bern Alberte Ro- denborch vorbenomet unde sinen nakomelingen desses sulven guedes mit aller siner thobehoringe waren, vryen unde beschermen von aller ansprake enes jewelken, de vor recht kamen wil, upp cre egene kosten, schaden unde eventur. Unde wy Hinrick, Greve tho Holsten, unde wy Elizabeth, hertoginne unde Grevinne, alse vormundersche unser kindere vorbenomet, hebben, dorch bede willen Hinrikes Broektorpes vorschreven unde syner Erven, vor uns unde unse Erven dessen vorschrevenen koop vulbordet, eghent, stediget, vestet unde vryget, unde vulborden, eghenen, stedigen, vesten unde vrygen in desser schrifft, also dat wy unde unse Erven dar nichtes an beholden, be haben mene lantwere unde wat dat meene landt doeth. Jodoch dorch sunderliker gunst unde vruntschopp willen heft desse vorschreven her Albert Rodenborg ghunt unde overgeven dat Hinrick Broektorp vorbenomet lrnde sine Erven, dewile dat se leven unde waren, unde na erer aller dode wv unde unse Erven mogen tho ewygen tyden . alle jare tho Sancti Martins dage desse vorschrevenen hoeve unde kolinge mit alle eren thobehoringen, alse vorschreven is, wedderkopen vor twe hundert mark lubesscher penninge, binnen Lubeke tho bethalende in ener summen mit penningen, de denne tho Lubeke genge unde geve sint, unde mit der renthe de den van eme jare boren mach. Tho tuchenisse unde bewaringhe alle desser vorschrevenen stucke hebbe wy Hinrick, Greve tho Holsten, Stormeren unde tho Schowenborch, unde wy Elizabeth, hertoginne unde Grevinne vorbenomet, alse vormundersche unser kindere, unse ingesegele vor uns unde unse Erven mit guden willen unde witschupp, vor dessen breff gehenget laten, de geven is tho Segeberge in deme jare unses heren na syner bort dusent veerhundert darna in deme achteden jare uppe Sancti Martins dage, des hilligen Bisschoppes.

9

66