LXXVI.

SSoítob »on SSofmoíb »etfauft fein ©orf ©ûfel mit bem ©ce an bûè Äioftet ЯrепёШ für 2100 matt. 1454, Member 5,

(F. 102, No. 6.~)

Ick Volraed van Boekwolde, wanafftich tho der Reedewisch, Detleves van Boek- wolde zeliger dechtenisse, waneer wanafftich dasulvest, soene, knape, bekenne unde betuge apenbare in desseme breve vor alle den jennen, de ene seen edder horen lesen, dat ick mit willen unde wolberadenem moede, mit willen unde vulbordt myner erven unde negesten, unde besundergen mynes gnedigen heren, heren Alves, hertogen tho Sleswick unde greven tho Holsten, Stormaren unde Schouwenborch, unde der jennen, der my erer vulbordt dar tho noed unde behoeff was, hebbe redeliken unde rechtliken vorkofft, unde uppelaten, unde jegenwardigen vorkope unde uplate mit macht desses breves, tho

13*

100

einem ewigen unde steden erfikope, deme erwerdigen in Gade Vadere unde ern Gre gorio, Priori thor Arnesboken, unde deme gantzen Convente darsulvest Carthusers orden, vor een unde twintich hundert marck lubesscher penninge, de my de vorschreven er ren Gregorius in gudem golde unde gravem zulvergelde, tho Lubeke genge unde geve, tho gantzer noege wol bethalet hefft, dede vort in myne unde myner erven merkliche nutticheide witliken gekamen sint unde gekeret, myn gantze dorpp Zuzell, darinne be legen ist de kerspelkercke des gantzen kerspels tho Susell, mit deme see in syner scheede, tho deme vorschreven dorpe behorende, alse van deme Tackenwerdere aff genne zyde des walles na Altona, der enen syde, want in de hude recht over den see, in der hude negest Altona, der anderen syde, mit frygheid, visscherie uppe deme sulven see, mit waden groth unde kleine, unde mit allen kleenen touwen unde korven, alse woenlick is, den vorbenomeden Priori unde Carthuseren tho brukende, vordmer mit aller anderer thobehoringe, alse mit ackeren buwed unde ungebuwet, mit wysschen, weyden, holten, broken, moren, heiden, masten, stouwingen, pachte, denste unde denst- gelde, mit aller nutticheid, rechticheid, herlicheidt, mit allem rechte unde gerichten, oversten, middelsten unde sydesten, in hals unde hand, unde slichtes mit allem egen- doeme, uppkomen, brukinge unde aller frygheid. alse dat sulve dorpp Susell unde see, visscherie, alle vorbenomet, in allen eren enden, veldmarken unde scheedingen alderfrvest belegen unde begrepen sint, bewechlick unde unbewechlick, unde besunderen so qwit unde fryge, alse min zelige vader, DetlefT van Boekwolde erbenomet vor, unde ick Vol- raed van Boekwolde na, unde unse vorfaren datsulve dorp Zuzel unde see mit sinen thobehoringen, benomet unde unbenomedt, je fryest hebben gehat unde beseten, offte mochten hebben gehatt unde bezeten, nichtes dar buten tho beschedende. Dit vorbe- nomede dorpp Sussel unde see in siner scheede mit allen thobehoringen, alse vorbe- nomedt sint, schal ick Volraed van Boekwolde unde wil, unde mine erven schollen unde willen den vorbenomeden ern Gregorio Priori thor Arnesboken unde gantzen Con vente darsulvest unde alle eren nakomelingen rechte warende wesen unde fryen en de van aller ansprake cenes jewelken, so vakene en des werdt tho doende. unde jegenwar- digen ware unde frie uppe myne unde myner erven eghene koste, arbeid unde eventure, sunder alle list, behelpinge offte hulprede. Unde hebbe darumme vor my unde myne erven deme vorschreven ern Priori unde gantzem Convente thor Arnesboken merbenomet vorlaten, unde jegenwardigen vorlate dat dorpp Zuzel unde zee in syner scheede, mit allem eegendoeme unde thobehoringen, alse ergerordt sint, in jegenwardicheit mynes gnedigen heren, heren Ahes, hertogen tho Sleswick unde greven tho Holsen etc. boven- genomed, dar an unde over weren de erliken unde vorsichtigen her Wolmarus Cancella- rius unde Detleff Gronewold, Amptman unde Voghed nu thor tidt tho Segeberghe dessulven mynes gnedigen heren, unde hebbe desulven van der Arnesboken vordtmer

101

dar uppe voeredt unde setteth, voere unde sette se vor my unde myne erven in krafft desses breves, in die bebbenden were unde fredesame besittinge des vaken benomeden dorpes Zuzel mit alle siner thobehoringe, alse vorbenomet ist, unde vortye unde vorlate vor my unde myne erven allen eegendoeme unde alle recht, dat ick darinne gehatt hebbe went in dessen jegenwardigen dach, offte dat ick edder miue erven jenegerwys dar inne hebben mochten nu unde in thokomenden tyden. Alle desse vorschreven stucke unde artikele, samendtliken unde besunderen, love ick Volraed van Boekwolde, erbenomet hovetman, vor my unde myne erven, den vorschreven ern Priori unde gan(- tzem Convente des closters thor Arnesboken, mit mynen naschreven medeloveren in guden truwen unde. geloven stede unde unvorbrokenn sunder alle arch, wol unde vast tho holdende, unnde love vordt vor my unde myne Erven tho erer truwen hand dyt- sulve alle denjennen, de dessen breff hebben mit eren willen, unde hebbe des tho gro- therer tuchenisse min ingesegel witliken hengen heeten an dessen breff. Unde wy Hartich, Bertram, Joachim, geheten van Boekwolde, brodere dessessulven vakennomeden Volraedes van Boekwolde, hovetmans, unnde ick Lemmeke van * Boekwolde tho Wyd- dole, veddere dessersulven, unnde ick Benedictus van Kurne, amptman nu thor tidt tko Oytin, des erwerdigen in Gade~ Vaders unde heren, herrn Arndes Bisschoppes tho Lubeke, bekennen unde betugen apenbare an dessem sulven breve, dat wy vor uns unde unse Erven mit Volraede van Boekwolde unde synen Erven vorschreven, den vakenbenomeden Ern Priori unde gantzem Convente thor Arnesboken, jegenwardigen unde thokomenden, hebben gelovet unde loven mit macht desses breves mit samender handt, alle vorgeschreven stucke in guden truwen stede unde vast, sunder alle list unde behelpinge geistlikes offte werltlikes rechtenn, unvorbraken tho holdende. Unnde heb ben dar ock umme tho grotherer bekandnisse unse Ingesegele witliken unde mit willen hangen heten an dessen breff, dede gegeven is int Jare na der bord Christi dusent veerhundert veer unde vefftich, des dingesdages vor Sancti Martini dage des hilligen Bisschoppes.