XIII.

SSoíqutn ^arjoro gtebt jur SSicarie in ШeпЬЬЫ 3 Шап \à$ttiâ)tï Sienten auё einer -£ufe S« ©teinrobe, unb .üerfauft an ben SSicar SRaffebef atleè ©ut, waê ber gamiíie Sßunner bafelbft getyört bat, fur 110 SRarf. 1385, (September 20.

(F. ¿75, S, ¿Vb. 80.)

Ick Volqwin Partzowen bekenne apenbare in dessem breve, vor alle den, de ene seen edder horen lesen, Dat ick reddelken unde mit gantzer vulbort alle miner erven hebbe geven by sundeme lyve unde Tolmacht in de ere Gades unde siner leven Moder Marien unde alle Gades hilgen, tho einer ewigen Vicarie, de her Hinrick van Boeckwolde hell begunt tho makende in der kercken tho der Arnsboken in deme lande to Holsten, Dre mark geldes in deme Dorpe tho deme Steenrode, dat in dem kerspele tho Gleskendorpe is belegen, in deme gude, dat ick dar bldus lange hat hebbe unde den Wonneren gehort hadde. De schal de prester, her Hinrick Massebecke, de nu de Missen bewart, alle Jare upnemen, de wile dat he levet, uth der ersten gulde unde hure,' de dar uthkumpt uth dem vorbenomeden gude, unde na sinem dode des vorbe- nomeden her Hinrikes so scholen de proveste, wert dar ein kloster, edder de kerckheren dese (Y) ewelken na tho kamende enen kapellanen holden tho der Missen, de desse vorbenomeden ghulde up neme unde bidden vor mick unde myne wiff unde myne kindere unde myne olderen unde frunde, unde sundergen vor Ryke Henneken Breyden unde sine olderen in al syner Myssen, tiden unde vigilien. Vortmer so bekenne ick Volqwin Partzowe vorgenomet, dat ick mit vulbort miner kinder unde sundergen mit vulbort Hassen, mines Sones, unde alle miner Erven hebbe vorkoft dem vorbenomeden her Hinrick Massebeken tho dersulven vorbenomeden Vicarie, de dar mede tho beterende, alle dat ander guth, dat ick tho deme vorbenomeden Steenrode aldus lange besethen hebbe unde den Wunneren gehort hadde, mit holte unde wyssshe unde weyde unde mit der groten Tymberhorstes wyssche unde mit aller vrigheit unde rechte, hant unde hals, unde alse ick dat aller vrigest aldus lange besethen hebbe, behalven dat hegeholt, alse dat binnen der scheede belegen is, dat oldinges dar tho hort hefflt, dat beschede ick buten dessem koре, vor hundert mark lubesscher penninge, alse tho Lubeke genge unde geve is, de he my al rede tho dancke wol bethalet heft, unde vor thein marck. Dat leen an dessem gude schal ick unde wil uplaten, weme disse vorbenomede her Hinrick Massebeke des loven wil, de schal dat entfangen tho siner hant, dewile dat he levet, na synem dode tho der proveste hant, wert dar en kloster, edder der kerckheren hant, de tho. ewigen tiden na kamende sint, In dersulven wyse alse hir vorschreven steyt, also lange beth min Herre van Holsten sin gnade dar tho keret unde den eghendome

16

dar tho gift dorch de leve gades, dat dar moge aff werden ein ewych stedeget Vicaria, Dar wil ick Volqwin tho helpen vorbenomet, alse ick beste mach. Were ock, dat dessen vorbenomeden her Hinrick Massebeken edder na sinem Dode de proveste, efte dar en kloster wert, edder de kerckheren edder jenigenman, de desse Vicaria besitten schal tho ewigen tiden, an dessem vorbenomeden gode tho dem Steenrode, beide dat ick dar tho geven unde verkoft hebbe. jenich man hinderde edder hinderen wolde: So wil ick edder mine erffnamen mit unsen frunden en dat frygen van aller ansprake unde Hin dernisse, alse ein geistlich recht ist. Alle desse vorschrevenen stucke lave ick Volqwin, Hasse min Sone, unde unse erven vorbenomet mit unsen frunden, de hir na schreven staen. Ick Ryke Henneke Breyde, Henneke Breyde anders geheten Berner, unde Olrick Wonner laven alle desse vorschrevene stucke vor Volqwin Partzowen, Hassen sinem sone, vor ere Erven, unde mit en her Hinrick Massebeken. provesten edder kerckheren, alse vorschreven steit, unde tho erer truwen hant her Hinricke unde sinen Rinderen Snoten unde Otten, alle geheten van Boekwolde, stede unde vast tho holdende sunder jenny- gerleve argelist edder hulperede. .Desses tho ener bethuginge so hebbe wy alle Sake- wolden unde borgen rede vorgeschreven wytlyken unde mit beradenem mode unse Inge segel henget an dessen breff, De gegeven unde schreven is na Gades bort Druttein- hundert Jare, dar na in deme viff unde achtentigesten Jare, in dem avende Sancti Matthaei, des hilligen Apostels.