LXIII.

®te фerjôge %ЬоЩ unb ©erwarb confîrmtren bem Âiofter ШeпЪЬЫ feine ©üter ju SBoíftorf, Âatteêfrog unb @nif[oro, unb »erleif)en ibm baê £)mg ju ©nifioro. tfrenèbôf 1427, Suty 30.

(F. 90, No. �?05.)

Wy Aleíf unde Gherd, van Gades gnaden hertogen tho Sleswick, Greven tho Holsten, Stormeren unde Schowenborg, bekennen betugende apenbare, dat wy heb- ben seen unde horen lesen unses vedderen zeeliger dechtenisse Greven Hinrikes breff, oldinges Greven tho Holsten, dar he inne voreghent heft den geistliken vederen, Priori unde Convente des huses der Carthusere tho der Arnesboken dat ghud tho Walstorppe, Katteskroch unde twelff hoven unde negen worde tho Gnessow; unde heft overgeven vor sick unde syne erven alle recht, dat em edder synen erven jennigerleye wyss mochte thokamen an den vorbenomeden guderen. Hirumme wy Alff unde Gherd, her togen vorbenomed, bestedigen unde tholaten unses vedderen breff an all syne artikelen. Sundergen wy tholaten unde overgeven, dat de Prior unde Convent vorbenomet mogen holden laten an ereme guede tho Gnessow, wat recht se willen unde ene bequeme ist, unde dat ere lausten, wanaftig tho Gnessow, nicht dorven kamen tho deme grefdinghe tho Seegeberge. Unde wy nemen desse geistliken vedere, Prior unde Convent unde ere lansten an unse bescharminge, unde willen se vorbidden unde vordeghedingen tho lyke unde tho rechte, also unse egenen lansten. Tho groterer tuchenisse desser vor- schrevenen stukke hebbe wy henget laten unse ingesegel vor dessen breff, de geven iss tho der Arnsboken an den jaren Gades dusent veerhundert an deme soven unde twintichsten jare, an dem dage Abdon unde Sennen der hilghen mertelere.

83