X.

SKarquarb aSunnefcfro&et fd)enft jur SStcorie in ЗСгeпёШ eine $ufe ju fBranbiêrobe, baë SG5unnerèl)olt, bie grope £immertyorfrttMefe unb bie £eic|)frauun^ 1380, Laetare, SJlárj 4.

(F. 173, 2. No. 84.)

In nomine domini Amen. Ick Marquart Bunneschöft bekenne apenbare vor alle den jennen, de dessen breff horen edder seen, dat ick reddelken unde rechtliken mit vullbort alle miner erffnamen hebbe geven an de ehre Gades unde siner leven Moder Marien to einer Vicarie, de her Hinrick van Boeckwolde begunt heft tho makende in der Kercken tho der Arnsboken, de Hoffstede tho dem Brandisrode, dar min vader hadde wanet, mit dem Wunnersholte unde mit der groten Timmerhorsten Wyssche, mit der Dickstouwinge, mit watere, mit weyde, mit wisbleken, mit aller vrygheit, rechticheit unde richte, handt unde hals, also dat min vader vore und ick naje vrygest beseten hebben; uppe dat de prester, de de vicarie besytt, bidde an sinen Missen, an sinen tyden und an syneme bede vor miner olderen Seele unde vor mick, dewile dat ick leve, vor mine Seele, wen ick dödt bin. Dat leen in dessem vorbenomeden gude dat wil ick uplaten vor minem heren van Holsten dem bedderven Riddere, her Hinrick van Boeck wolde vorbenomet tho truwer handt der prestere, de desse Vicarie besitten unde besitten scholen, de wyle dat de werlt steyt, fse werde siediget edder nicht. Uppe dat alle desse Dinge deste fruntliker voltagen unde holden werden, so heft my her Hinrich Massebeken, en prester unde en besytter desser Vicarie, thein mark gelenet an witten lubesschen penningen, de ick rede an minen nutt gebracht hebbe. Unde ick schal desses vorsprakenen gudes bruken halft mit dem prestere, de wyle dat ick leve. Na minem dode so schal idt bliven by der Vicarie. Were dat also, dat her Hinrick Massebeken edder de na em besitten dit gud, jennichman dar an hinderen wolde, so will ick unde myne erffnamen, her Hinrick van Boekwolde und syne erffnamen em dat vrigen vor alle den, de dar up spreken. Dit lave ick em in truwen, unde mine erfnamen, unde mit mi her Hinrick van Bukwolde unde sine erfnamen, alle desse dinge stede unde vast tho holdende sunder jennigerleye argelist edder helprede. Tho eyner be- tuginge so hebbe wy unse Ingesegel gehenget vor dessen breff, de gegeven iss na Gades bort Drutteinhundert jar, in dem achtigesten jare, des Sondages tho Midtvasten.

13