Urkundensammlung der Vaterlaendischen Geschichte, Nr. XXXVI. , S. 58
XXXVI.
tfbfofibrtef beê ШЬeВДeп tBtfcfrofeê Зобопп für bte ЖЬпфe in Utmbbbt
та 1400, zptii u.
(F. 246, No. 67J
Johannes, Dei et apostolicae sedis gratia Episcopus Lubecensis, universis et singulis Christi fidelibus praesentia visuris vel audituris, et praesentim per civitatem et dioecesin nostram Lubecensem ubilibet constitutis, salutem et benedictionem a domino nostro Jesu Christo. Gloriosus Deus in sanctis suis, in ipsorum glorificatione congau- dens, in veneratione gloriosae Mariae semperque Virginis eo jucundius delectatur, quo ipsa utpote mater ejus effecta meruit altius coeteris in coelestibus collocari. Licet hic, de cujus munere venit, ut sibi et fidelibus suis digne ac laudabiliter serviatur, de abun- dantia pietatis suae merita supplicum excedens et vota bene servientium multo majora tribuat, quam valeant promereri, nos tamen Johannes Episcopus praefatus, desiderantes. reddere domino populum acceptabilem, fideles Christi ad complacendum ei quasi qui- busdam allectivis muneribus, indulgentiis videlicet, remissionibus invitamus, ut exinde reddantur divinae gratiae aptiores. Volentes igitur, ut Claustrum Templi Mariae beatae Virginis in Arnesboken nostrae Dioecesis, debitis habeatur reverentiis et honore: hinc est quod omnibus vere poenitentibus, contritis et confessis, qui praedictum claustrum Carthusiensium causa devotionis et orationis visitaverint, Missas et alia divina inibi audierint. et qui ad fabricam dicti templi beatae Mariae ibidem manus adjuhïces porrexerint aut porrigi procuraverint, vel qui ffexis genibus beatissimam Virginem Mariam, dum salve Regina cantatur, aut cantando solenniter eam invocaverint, vel qui in dicto claustro ante altare sanctae Crucis in memoriam Passionis Christi et beatae Mariae Virginis quinque Pater noster cum totidem Ave María devote dixerint: quotienscunque et quandocunque praemissa aut aliquid praemissorum fecerint devoto intentu, totiens de dei Patris Omnipotentis et Apostolorum Petri et Pauli auctoritate quadraginta dies indulgentiarum misericorditer in Domino relaxamus. Datum Lubeke, Anno domini Millesimo quadringentesimo. ipso die Palmarum, nostro sub sigillo praesentibus appenso.
47
Urkundensammlung Vaterlaendische Geschichte II, ed. Michelsen, 1839-1880 (Google data) XXXVI. , in: Monasterium.net, URL </mom/VaterlaendischeGeschichteII/c4f960a6-2379-4c57-b896-0196dcb7bef1/charter>, accessed at 2024-05-01+02:00
The Charter already exists in the choosen Collection
Please wait copying Charter, dialog will close at success