III.

©raf фeитф conftrmirt ber %tenbbbUt &itti)z bie »on SSulfarb gefauften ©ûter ju glorefenborf. Sraûemûnbe, 1368, Jubilate, tfprti 30.

(F. 5, ». No. в.)

Nos Henricus, dei gratia Comes Holsatiae etiam Stormariae, universis. quorum interest aut interesse poterit, volumus esse notum, ac protestamur per praesentes, ne ea, quae geruntur in tempore, simul labantur cum tempore, quod constitutus coram nobis ac pluribus fide dignis, dominus Thymmo Marute miles recognovit, se suosque veros heredes bona sua, videlicet curiam Florekendorpe cum villa sibi adjacente, sitam in Parochia Pronstorpe Lubecensis dioecesis, cum omni jure, utilitate, commodo, libertate et fructu Ecclesiae Arnsbokeii vendidisse, quam quidem Curiam cum villa coram nobis dictae Ecclesiae resignavit et sibi suisque alienavit, per praesentes recognoscens ac pro- testans, se plenum precium pro eisdem percepisse. Unde nos ob merita et venerationem beatissimae Virginis Mariae patronae ibidem, et ob salutem animarum parentnm et praedecessorum nostrorum, et ob nostrorum remissionem peccaminum, dictam Curiam cum Villa et omnibus suis adjacentiis, distinctionibus et terminis, utilitate, libertate et fructu, prout jacent, dictae Ecclesiae damus, adjudicamus et omni jure appropriamus, ac proprietatem eorundem bonorum dictae Ecclesiae ratificamus et confirmamus per praesentes perpetuo possidenda; Inhibentes gratiae nostrae sub,obtentu, ne quis, cujus- cunque conditionis aut status existat, contra gratiam, dictae Ecclesiae per nos indultam, dictam Curiam, Villam cum suis adjacentiis aliqualiter audeat impetere, infestare, aggra- vare vel molestare, prout gratiam nostram habere voluernt inoffensam. Datum et Actum praesentibus fide dignis Trafuemunde viris famosis Benedicto de Alevelde, Hinrica Broktorpe, Nicolao Crummedyk, dicto Mezeke, Henrico Bockwolde, militibus, Alberno de Wisch et Wulff Rixstorpe, armigeris, in testimonium ac nostro sub sigillo, sub anno Domini MCCCLX octavo, die dominica, qua cantatur Jubilate Deo.

5