CIV.

2)aé lubifc&e Capitel quittrt bem Softer 2iren8bôf wegen 100 Tlatt auô

©quelftorf. 1492, Запиш: 24.

(F. 169, No. 72.~)

Wy Thidericus Stoveman vicedecanus unde gantze Capittel der kercken tho Lubeck bekennen witliken unde bethugen apenbare vormiddelst desseme unseme bese- gelden breve vor alsweme, dat wi des dingestdages na nyen jares dage negest vorleden, sanden mit vuller macht unses gantzen Capittels de werdigen herenn meister Gherd van Veltheme unde meister Johan Breyden, unde medecapittelheren, thovorhandelende unde vort tho endigende de sake unde twistinge van der sos mark renthe wegene, de unse Kercke unde Capittel in deme gude tho Eqwelstorppe in dem karspel tho Zusel, dat de Carthuser thor Arnsboken van deme duchtigen Hans van Boekwolden, seligen Hinrikes sone, nu kortes gekoft hebben. Dar denne ock jegenwardich weren de geist- liken vedere, her Jurgen Prior unde Johannes Kordes conventualis, van eres gantzen Conventes wegene, dar duss denne, vormiddelst thodaeth unde vorhandelinge der duch tigen guden manne Hartich Poggewisch, Wulffes sone do thor tidt Amptmanne tho Plone, unde Clawes Poggewisch, Henninges sone, so entliken gedegedinget wart unde beslaten vor notarien unde thugen, dat de vorbenomede duchtige Hans van Boekwolde entliken bereden unde geven schal unser Kercken unde Cappittel hundert lubessche mark. Dar wy der gelyke sos mark renthe mede mak'en mogen tho unsen besten, wor uns dat belevet. Dar denne mede schollen los unde qwit sin alle vorsetene unde nablevene renthe, by Hanses tiden gevallen, unde ock dewile de Carthusere sodane gud van eme kofften unde in besittinge hebben gehat. Der wy eme gansliken over- segen unde thogeven umme der vorgemelten guden Manne Hartich unde Clawes Pogge wisch andechtigen bede, unde dorch andere thovorsicht unde sake willen, uns dar tho bewegende. Welckere hundert mark de ergenomede her Georgius Prior van sines Conventes wegene uns thosede noghafftigen tho betalende sunder jennigerhande mer vortoch unde bewere: de he denne uns gantz tor nughe unde wol beret helft unde bethalet er overgevinge desses unses breves. Worumme qwyteren wy unde entvrygen

137

de vorbenomeden geistliken vederen unde ere kloster unde ock Hans van Boekwolde unde syne erven van aller thosproeke unde manynge sodaner sos mark renthe, de wy hadden van veer hoven landes in deme gude offite have tho Eqwelstorppe belegen. Also dat wy nu jegenwardich noch unse nakomelinge tho nenen navolgende tyden dar furder upsaken ofte bevorderen willen unde scholen. Unde wes an unser kercken regi- steren edder besegelden breven, dar up Iudende, berored ist, schal in alle machtloss unde gedelget sin, vormiddelt desser latesten endiacht unde dessem unseme besegelden breve, de geven iss unde geschreven na der bord unses heren veertheinhundert dar na ame twe unde negentigesteme, an deme avende Gonversionis Sancti Pauli. Des tho orkunde unde gudeme loven hebben wy unses Gapittels ingesegel witliken gehangen heten vor unde an dessem unsen breff.

cv.

$Ьпщ ЗДапп conftrmirt bem Äiofter îirenêbôf bte fur 6200 Шх1 »on фaп8 ». SSofwoib angefauften SDôrfer Gjqueijrorp, £)bbenborp, §ШЬ= belburg mit ber SBolterSmúbJe unb bem SBolterfrog. 1496.

(F. 154, No. 43.)

Wy Johan, van Gades gnaden tho Dennemarken, Norwegen, der Wende unde Gotten koninck, gekoren tho Sweden, tho Sleswick, Holsten, Stormaren unde der Dith- marschen herthoge, tho Oldenborch unde Delmenhorst greve, bekennen apenbar vor uns, unse erven, nakomelinge unde alssweme, dat wy deme almechtigen Gade, syner werden moeder Marien tho eeren, unser zeeligen vorolderen, unser unde unser nako- melynge zelen salicheyd tho troste, deme gadeshuse unde kloster thor Arnsboken in unsem lande tho Holsten belegen, unde den denst Gades dagelikes darinne thovorme- rende, sodanen ervekoep, alse de duchtige unse leve getruwe Hans van Boekwolde, Hinrikes soene wandages tho Eqwelstorppe in deme kerspel tho Susel wanhaftich, den werdigen unde geistliken vederen, heren Jurigen, tho der tidt Priori, unde gantzem Convente des genanten closters thor Arnsboken. Carthusere ordens, in dem vorbenomeden Hove tho Eqwelstorpe mit alle sinen thobehoringen, herlicheyden, upkomingen unde rechticheyden, namlyken dorperen unde gudern dar tho horende, alse Eqwelstorp, Od- dendorp unde Middelborch, allen unde islichen eren thobehoringen, buwet unde unge- buwett, ock de Wolters moelen unde moelenstede mit deme moelendyke unde alle sinen stouwingen, de ouwe nedden unde baven der moelen bette in den Berckower zee, mit allem rechte unde visscherye, unde den Wolters kroech, vor sos dusent unde twe hundert lubessche mark, tho eynem ewigen erflkoepe recht unde redelyken vor

18

138

koflft, overgeantwordet unde vorlaten heft, na lude unde inneholde des hovetbreves, darup vorsegelt, desulve in alle sinem lude by fuller macht Ihoblivende, bewillet, belevet unde befulbordet hebben, unde so denne de genannten gudere in deme parte unde deele unses landes, dat uns in der deelinge mit unsem leven brodere hertogen Friderike ge- scbeyn, thogevallen iss, belegen sin: so beleven, bewillen, befulborden, bestedigen, up- laten unde voreghenen wy sodane vorgerorden gudere vor uns, unse erven unde nako- melinge, heren tho Holsten, mit vulborde unses truwen rades, den werdigen heren Steffen Priori unde gantzem Convente des genanten closters thor Arnsboken unde alle eren nakomelyngen; unde zetten se vort in de ewigen besittende were unde rowlike vrede- same brukinge dersulven gudere in kraft desses breves, syck der alsse ere fryge eygen guth, tho eiem unde eres closters besten, tho ewigen tiden tho brukende, gelyck an deren eren eygen frygen gudern. Jodoch ift uns des in thokamenden tyden so thodoende worde unde wy edder unse erven so dan gudt tho unser borch Segeberge lossen unde leggen wolden, des beholden wy uns de macht. Denne scholden wy edder unse erven, de to tyden sodan ghud loeseden, den genanten vederen thor Arnsboken wedderleggen unde na redelyker wjse vornoegen bewyslyke unkost, de se an nutten buweten in den- sulven guderen gedan hebben. Woerdet sick ock den in natyden begevende, dat wy, unse erven edder nakomelinge sodan gudt wedder vorkopen edder vorpanden wolden, so scholden desulven vedere thor Arnsboken dar de negesten kopluede tho syn, vor sodan gelt wedder tho sick tho kopende, alse wy dat van en ingeloesset hebben. Unde so denn desulven vedere des genanten cloesters in den vorschreven gudern allene, unde nemant anders, der jacht negest uns mechtich sint, so beholden wy uns de macht, wannere desulven vedere tho tyden vormiddelst den eren in den guderen sulves nicht jagen lathen, dat wy den edder unse Amptmanne tho Segeberge, unde anders nemant, noch geistlick edder werlick, dar denne jagen moegen, wan uns dal gelevedt. Dartho beholden wy uns ock den butenwendigen halsbroeke. Weret ock sake, dat jennige breve effte schriffte weren, de desser unser bestedinge unde vorse- gelden breve jergen woranne enjeghen syn moechten, desulven schollen doch desser- sulven vorsegelinge in alle eren artikelen unschedelick unde nergen ane tho vorfange syn ane alle geferde. Desses tho warer tuchenisse unde ewyger dechtenisse hebben wy unse secret vor uns, unse erven unde nakomelinge, heren tho Holsten, witliken heten hengen an dessen breflf, na Christi unses heren gebord veertheynhundert unde in dem sess unde negentigesten jare.

139